Bu payızın ən dəbli aksesuarı nədir? - Stilistdən açıqlama

"Kəmər bu payızın ən dəbli aksessuarıdır".

Oxu.Az xəbər verir ki, bu barədə rusiyalı stilist Yuliya Jeleznyova Gazeta.ru-ya müsahibəsində danışıb.

O qeyd edib ki, moda evləri bu mövsüm müxtəliflik təklif edir: klassik dəri modellərindən tutmuş, geniş parça kəmərlərə və qeyri-adi teksturlu modellərə qədər. Onun sözlərinə görə, geniş kəmərlər paltolar, jaketlər və trikotaj paltarlarla, nazik kəmərlər isə ətəklər, bluzlar və hətta böyükölçülü sviterlərlə mükəmməl uyğunlaşır.

Ekspertin sözlərinə görə, bu mövsümdə kəmərləri geyimlə birləşdirməyin gözlənilməz üsullarına xüsusi diqqət yetirilir.

"Əsas trendlərdən biri də üst paltarın üzərindən kəmər taxmaqdır. Bu, xüsusilə uzun paltolar və trençlər üçün aktualdır, çünki siluetə struktur və zəriflik qatır", - deyə Jeleznova vurğulayıb.

Stilist, həmçinin pencəyin və ya kardiqanın üzərindən kəmər taxmağı tövsiyə edib və insanları eksperimentlər keçirməkdən qorxmamağa çağırıb.

O əlavə edib ki, bu payız dərin, zəngin çalarlar - məsələn, şərab, şokolad, zeytun və bənövşəyi rənglər ən dəbli çalarlar olacaq.

Telegramda izləyin