Bağça müəlliməsinin sinifdə nizam yaratmaq üsulu sosial şəbəkədə gündəm oldu - VİDEO

Türkiyədə bir bağça müəlliməsinin sinifdə nizam-intizamı qorumaq üçün tətbiq etdiyi üsul sosial mediada böyük maraq doğurub.

Sonxeber.az türk mediasına istinadən xəbər verir ki, şagirdlərinin diqqətini cəmləmək üçün fərqli bir metoddan istifadə edən müəllimənin videosu qısa zamanda virala çevrilib və milyonlarla baxış toplayıb.

"Müəlliməmiz işini həqiqətən çox yaxşı görür" qeydi ilə paylaşılan videoya minlərlə şərh gəlib. İzləyicilər müəllimənin səmimiyyətini və uşaqlarla qurduğu pozitiv münasibəti tərifləyiblər.

Bəzi istifadəçilər "Qollarını açıb bağlaması o qədər səmimi deyilmi?", "Çox şirindir, görək indi bunda da nə irad tapacaqlar" kimi dəstək mesajları yazıblar. Digərləri isə videonun paylaşılmasını tənqid edərək məsələyə fərqli yanaşıb. Onlar "Niyə belə videoları çəkmək ehtiyacı hiss edirlər, anlamıram", "Gözəldir, amma paylaşması bir az qəribədir" kimi fikirlər səsləndiriblər.

Qısa müddətdə milyonlarla baxış toplayan video, müəllimənin sinifdə intizam yaratmaq tərzini bir çox sosial media istifadəçisi tərəfindən "nümunəvi davranış" kimi dəyərləndirilib.

Telegramda izləyin