Yer kürəsi təhlükə astanasında: Mərcan rifləri məhv olur

Dünya dəyişikliklərin geridönməz olduğu bir sıra iqlim hədlərindən birincisinə çataraq yeni reallıqla qarşı-qarşıya gəlib.

Oxu.Az bildirir ki, bu barədə "The Guardian" nəşri yazır.

Beynəlxalq alimlər qrupu Yerin qayıdışı olmayan nöqtəyə çatdığını deyirlər. Onlar öz yeni hesabatlarında xəbərdarlıq ediblər ki, təcili tədbirlər dərhal görülməzsə, isti su mərcan riflərinin məhv olma prosesini başlayacaq ki, bu da planetimiz üçün fəlakətli nəticələrə gətirib çıxara bilər.

Alimlər və ekoloqlar tərəfindən hazırlanmış hesabatda bildirilir ki, dünya bir sıra kritik nöqtələrə çatmaq astanasındadır, bunların arasında Amazonun yox olması, əsas okean axınlarının pozulması və buzlaqların əriməsi də var.

Lakin bəzi mütəxəssislər hesabatın mərcan rifləri ilə bağlı nəticələrinə şübhə ilə yanaşıblar. Onlardan biri qeyd edib ki, riflər həqiqətən də ciddi problemlərlə üzləşsələr də, onların əvvəllər düşünüldüyündən daha yüksək temperaturlarda belə yaşamaq qabiliyyətinə işarə edən məlumatlar mövcuddur.

Əgər qlobal temperatur XIX əsrin ortalarına nisbətən 1-1.5°C qalxarsa, mərcan rifləri yox olmaq təhlükəsi ilə üzləşəcəklər. Orta proqnozlara görə, bu artım 1.2°C təşkil edəcək. Bu günə qədər qlobal istiləşmə artıq 1.4°C-yə çatıb.

Telegramda izləyin