Məşhur futbolçu ailəsi ilə parkda görüntüləndi – gizlənmək üçün üzünə şərf bağladı

Fenerbahçənin yarımmüdafiəçisi Fred, sıx oyun qrafikindən tapdığı qısa fasilədə övladlarını parka apararaq onlarla vaxt keçirib.

Sonxeber.az türk mediasına istinadən xəbər verir ki, ulduz futbolçu tanınmamaq üçün üzünü şərf və kapüşonla gizləməyə çalışsa da, bu cəhd ətrafdakı insanların diqqətindən yayınmayıb.

Fred, oğlu ilə birlikdə luna parkda əylənərkən səmimi görüntülər sərgiləyib. Lakin insanlar futbolçunun oğlunu tanıyınca, Braziliyalı oyunçunun kimliyi də tez bir zamanda üzə çıxıb.

Fredin tanındığını görən bəzi vətəndaşlar onunla xatirə fotosu çəkdirmək üçün növbəyə durublar, həmin anlara aid şəkillər isə sosial şəbəkələrdə sürətlə yayılıb.

Ulduz futbolçunun "tanınmamaq üçün gizlənib, amma yenə də tanındığı" anlar azarkeşlər arasında maraqlı müzakirələrə səbəb olub.

Bəzi sosial media istifadəçiləri "Fred gizlənsə də, futbolçu karizması gizlənmir", digərləri isə "Oğlunu tanıyınca plan pozulub" kimi yumor dolu şərhlərlə hadisəyə münasibət bildiriblər.

Telegramda izləyin