Rəqəmlər inanılmazdır! Bir kiloqram qızılın bir ayda qazandırdığı pula baxın! - VİDEO

Türkiyədə qızıl bazarında son bir ayda kəskin qiymət artımı müşahidə olunub.

Sonxeber.az türk mediasına istinadən xəbər verir ki, bir zərgərin paylaşdığı məlumatlara görə, 1 kiloqram qızılın qiyməti 15 sentyabr 2025-ci ildə 4 milyon 929 min TL olduğu halda, 15 oktyabr 2025-ci ildə 5 milyon 787 min TL-yə yüksəlib. Beləliklə, qızıl cəmi bir ay ərzində təxminən 858 min lirə dəyər qazanıb.

Mütəxəssislər bu artımı qlobal iqtisadi qeyri-müəyyənliklər, Yaxın Şərqdəki gərginliklər və mərkəzi bankların faiz siyasətlərindəki dəyişikliklərlə əlaqələndirirlər. Analitiklərin fikrincə, ons qızılın qiyməti yüksəlməyə davam edərsə, ilin sonuna qədər yeni rekordların qeydə alınması mümkündür.

17 oktyabr 2025 tarixinə olan məlumata görə, qram qızıl 5.910 TL-ə çataraq bütün zamanların ən yüksək göstəricisini yeniləyib. Səhər saatlarında isə qram qızılın qiyməti təxminən 5.888 TL civarında dəyişib.

Kapalıçarşıda ticarət saatları olduqca hərəkətli keçir. Burada qram qızıl 6.125 – 6.200 TL, çeyrek (dörddəbir) qızıl isə tarixdə ilk dəfə 10 min TL həddini keçərək 10.040 – 10.145 TL aralığında alınıb-satılır.

Ekspertlər bildirirlər ki, bu dinamika davam edərsə, qızıl bazarında yeni rekord səviyyələrin şahidi olmaq mümkündür.

Telegramda izləyin