Ağrıkəsici dərmanı əvəz edə biləcək BİTKİ

Çobanyastığının iltihab və mikrob əleyhinə xüsusiyyətləri ağrıkəsicilərin eyni xüsusiyyətləri ilə müqayisə edilə bilər. ABŞ və Yaponiya alimləri belə qənaətə gəliblər.

Oxu.Az bildirir ki, bununla bağlı genişmiqyaslı metaanalizin nəticələri "Pharmaceutical Biology" jurnalında dərc olunub.

Müəlliflər təsadüfi seçilmiş 11 klinik tədqiqatın məlumatlarını təhlil ediblər ki, bu tədqiqatlarda çobanyastığı əsasında hazırlanan preparatlardan selikli qişaların, ağız boşluğu infeksiyalarının və mədə-bağırsaq traktının iltihabının müalicəsi üçün istifadə edilib. Çobanyastığı ekstraktı ağrıları, şişkinliyi və iltihab əlamətlərini əhəmiyyətli dərəcədə azaldıb, eləcə də toxumaların bərpasını sürətləndirib. Effekt statistik cəhətdən əhəmiyyətli olub və qeyri-steroid iltihab əleyhinə preparatların təsiri ilə müqayisə edilə bilər, lakin onlar üçün xarakterik olan yan təsirlər olmadan.

Çobanyastığı mukozitin - əsasən kemoterapiya və ya şüa terapiyasından sonra ortaya çıxan ağız boşluğu toxumalarının və boğazın selikli qişasının iltihabının müalicəsində daha çox effektivlik göstərib. Alimlər bitkinin müalicəvi xüsusiyyətlərini onun tərkibindəki aktiv maddələrlə - xüsusən də iltihab əleyhinə sitokinlərin ifrazının qarşısını alan və toxumaların bərpasını stimullaşdıran bisabolol və apigeninlə əlaqələndirirlər.

Tədqiqatçıların fikrincə, çobanyastığı xroniki iltihabın müalicəsində təhlükəsiz və əlçatan alternativ ola bilər, həmçinin profilaktik və kosmetik məhsullarda istifadə edilə bilər.

Telegramda izləyin