Nə ət, nə meyvə, nə də tərəvəz: Dünyanın ən sağlam qidası açıqlandı — 100 baldan 97 aldı

Alimlər minlərlə qidanı araşdıraraq ən sağlam məhsulu müəyyən edib. Nəticələr gözlənilməz olub - nə ət, nə balıq, nə də tərəvəz. Hər marketdə tapıla bilən bu məhsul 100 üzərindən 97 bal toplayaraq zirvəyə çıxıb.

Sağlam həyatın təməli balanslı və müxtəlif qidalanmadır. Meyvə, tərəvəz, qoz-fındıq, toxum və ət kimi təbii qidalar ürək-damar xəstəlikləri, şəkər, insult və xərçəng kimi bir çox xroniki xəstəliklərin riskini azalda bilər. Lakin "ən sağlam qida" dedikdə, hansı məhsulun bu siyahının əvvəlində olduğunu heç düşünmüsünüzmü?

Milli.Az xəbər verir ki, ABŞ-də aparılan geniş araşdırmada alimlər minlərlə fərqli qidanı analiz edərək hər birinə "qida dəyəri balı" veriblər. Bu bal, məhsulun gündəlik qida ehtiyaclarını balanslı şəkildə qarşılama gücünü göstərir. Araşdırmanın nəticələri isə təəccüblüdür.

Badam - 97/100

Dünyanın ən qidalandırıcı məhsulu kimi badam birinci yeri tutub. Təkli doymamış yağ turşuları ilə zəngin olan badam ürək sağlamlığını qoruyur, diabetə nəzarətə kömək edir və güclü antioksidant mənbəyi sayılır. Tərkibində maqnezium, E vitamini, mis və manqan bol miqdarda olur. Gündə bir ovuc badam enerji verir, immun sistemini gücləndirir və orqanizmi zərərli maddələrdən təmizləyir.

Çerimoya (96/100)

"Dünyanın ən sağlam meyvəsi" adlandırılan çerimoya, tropik mənşəli, qaymaqlı quruluşu və şirin dadı ilə tanınır. Antioksidant, lif, vitamin və mineral baxımından zəngindir. İmmuniteti möhkəmləndirir, iltihabı azaldır, göz və ürək sağlamlığını qoruyur.
Tərkibindəki B6 vitamini əhval-ruhiyyəni yaxşılaşdırır. Ancaq meyvənin toxumu zəhərli maddələr daşıdığı üçün diqqətlə istehlak edilməlidir.

Okean levrəyii (89/100)

Ən sağlam balıq növlərindən biridir. Aşağı yağ tərkibli, lakin B12, D vitamini, selen və fosforla zəngin olan okean levrəyi sinir sistemi, sümüklər və maddələr mübadiləsi üçün çox faydalıdır.

Yastı balıqlar (85/100)

Kalkan, dil və ya pisi balığı kimi növlər aşağı civə tərkibi və Omega-3 zənginliyi ilə seçilir. Omega-3 yağ turşuları ürək xəstəliklərinə qarşı qoruyucu təsir göstərir və beyin fəaliyyətini dəstəkləyir. Bundan əlavə, D və B1 vitaminləri ilə də olduqca zəngindir.

Çia toxumları (85/100)

Kiçik olsa da, qida baxımından çox güclüdür. Lif, protein, Omega-3, fenolik turşular və vitaminlər ilə doludur. Smoothie, yoqurt və ya pudinqdə istifadə oluna bilər. İltihabı azaldır, həzm sistemini tənzimləyir və uzunmüddətli toxluq hissi yaradır.

Balqabaq tumu (84/100)

Bitki mənşəli dəmir və manqan baxımından zəngindir. Ürək sağlamlığını qoruyur, immuniteti gücləndirir və maqnezium sayəsində yuxu keyfiyyətini artırır.

İsveçrə pazısı (78/100)

Tərkibindəki betalain antioksidantları ilə tanınır. A, C, E və K vitaminləri ilə zəngindir. Qan laxtalanmasını tənzimləyir, sümükləri möhkəmləndirir və qan şəkərini balanslaşdırmağa kömək edir.

Çuğundur yarpaqları (70/100)

Çuğundurun çox vaxt atılan hissəsi olsa da, yarpaqları əsl qida xəzinəsidir.
Yüksək miqdarda dəmir, kalsium və C vitamini ehtiva edir. Güclü antioksidant təsiri ilə bədəni sərbəst radikallardan qoruyur və hüceyrələrin yenilənməsini dəstəkləyir.

Telegramda izləyin