Aslanlar belə ondan uzaq durur - Planetin ən pis qoxulu heyvanı

Afrika savannalarında elə bir canlı yaşayır ki, o, hətta şirlərdən belə çəkinmir. Onun əsas silahı nə dişlər, nə də sürətdir. Bu heyvan kimyəvi silaha bənzədilən kəskin iy ilə özünü qoruyur.

Lent.az xəbər verir ki, söhbət zolaqlı skunsdan gedir. Kiçik ölçüsünə baxmayaraq, o, tədqiqatçılar arasında bir əfsanəyə çevrilib.

Onun sirri ancaq bir şeydir: anal vəzilərindən ifraz olunan və yüzlərlə metr uzaqdan hiss edilən yandırıcı qoxu. Bu qoxunun kimyəvi tərkibi o qədər aqressivdir ki, göz yaşarması və ürəkbulanma yaradır. Ona görə də hətta yırtıcılar belə ona yaxınlaşmamağa üstünlük verirlər. Cəmi bir neçə kiloqram çəkisi olan bu kiçik heyvana qarşı şirlər və leopardlar belə ehtiyatla davranır.

Alimlər qeyd edir ki, skunsın qoxusu həm paltarda, həm də tüklərdə həftələrlə qalır. Bu xüsusiyyət heyvanı demək olar ki, toxunulmaz edir.

Maraqlıdır ki, o, birinci hücuma keçmir. Bu "silahı" yalnız təhlükə olduqda istifadə edir. Qoxunu buraxmazdan əvvəl isə xəbərdarlıq edir. Ön pəncələrinin üzərinə qalxır və quyruğunu nümayişkaranə tərzdə yelləyir.

Etnoloqlar bu davranışı xüsusi araşdırırlar. Bu nümunə göstərir ki, ən kiçik canlılar belə özlərini qorumaq üçün effektiv strategiya yarada bilirlər.

Yerli sakinlər skunsın iyini "yanan rezin qoxusu" ilə müqayisə edirlər. İnsan üçün də bu heyvanla təsadüfi qarşılaşma xoş təcrübə sayılmır.

Bioloqlar vurğulayırlar ki, bu heyvan ekosistemdə mühüm rol oynayır. O, həşəratları və kiçik gəmiriciləri məhv etməklə onların sayını tənzimləyir. Buna baxmayaraq, skuns təcavüzkar deyil, insanlardan və digər heyvanlardan qaçmağa üstünlük verir. Gecələr daha çox aktiv olur.

Onu əsasən Şərqi və Cənubi Afrikanın savanna və kollarında görmək mümkündür, lakin gündüzlər demək olar ki, görünmür.

Telegramda izləyin