ABŞ-də 67 yaşlı kişidən maraqlı rekord

67 yaşlı Nyu-Hempşirdən (ABŞ) olan Tim Endrüs donuz böyrəyi ilə 271 gün yaşayaraq rekorda imza atıb. O, belə bir əməliyyat keçirib, dördüncü sağ qalan xəstə olub.

Oxu.Az xəbər verir ki, bu barədə CNN məlumat yayıb.

Qeyd olunur ki, Endrüs 1990-cı illərdən bəri diabet xəstəliyindən əziyyət çəkir. Təxminən üç il əvvəl ona böyrək çatışmazlığının terminal mərhələsi diaqnozu qoyulub. O yalnız dializlərin hesabına yaşayırdı: kişi həftənin üç günü altı saat ərzində aparatlara bağlı olub.

Kişi heyvan orqanının transplantasiya prosedurununun riskli olduğunu başa düşüb, lakin dializdən qurtulmaq üçün bunu sınamağa hazır olub. Endrüsə bu ilin yanvarında genetik modifikasiya olunmuş böyrək köçürülüb. Oktyabrın 23-də "Mass General Brigham" xəstəxanasının cərrahları onu çıxarıblar, çünki onun funksionallığı zəifləməyə başlayıb.

Tim Endrüs bildirib ki, donuz böyrəyi ona normal həyata qayıtmaq imkanı verib və enerjisinin artdığını hiss etdirib. İndi o, yenidən dializə başlamalı olacaq. Kişi hazırda 90 min nəfərin olduğu orqan transplantasiyası üçün gözləmə siyahısında növbəsini gözləyəcək.

Alimlərin sözlərinə görə, Endrüsun hekayəsi heyvan orqanlarının insanlara transplantasiyasında irəliləməyə kömək edəcək. "Mass General Brigham" xəstəxanası bu il daha bir xəstəyə donuz böyrəyi köçürməyi planlaşdırır.

Telegramda izləyin