Cəbhədəki son döyüşlərdə şəhid olan əsgərimizlə bağlı bu xəbər ürək dağladı - "Ağdamdan..."

Fevralın 24-dən 25-ə keçən Ermənistan silahlı qüvvələrinin bütün cəbhə boyu törətdiyi irimiqyaslı təxribatların qarşısını alarkən şəhid olmuş 5 hərbi qulluqçudan biri Ağdam rayonundandır.

Bu haqda Ağdam rayon icra başçısının köməkçisi Eldəniz Abdullayev məlumat verib.
E.Abdullayev deyib ki, şəhidin meyiti təmas xəttindəki neytral zonada qalıb:

"Şəhid 16 iyun 1988-ci il təvəllüdlü Qədimov Zülfü Rəhim oğludur. O, müddətdən artıq hərbi xidmətdə olub. Ağdam rayonun Mərzili kənd sakinidir. Məcburi köçkün kimi Beyləqan şəhərində məskunlaşıblar".

Qurum rəsmisi eyni zamanda bildirib ki, hazırda Ağdamda vəziyyət stabildir, hər kəs öz təsərrüfatında çalışır, bütün məktəblər işləyir:
"Gecə saatlarında da atışma olmayıb. Bundan başqa, fevralın 24-dən 25-ə keçən gecə Ermənistan silahlı qüvvələrinin bölgələrimizi atəşə tutması nəticəsində mülki əhalidən xəsarət alanlar yoxdur".

Mənbə: Modern.az

Telegramda izləyin

instagramda izləyin