Bunu soyuducunun üstünə qoyun, eviniz pulla dolacaq

Bir çoxları bilmədən evlərinin əsas enerji mənbələrindən birini, soyuducunu düzgün istifadə etmirlər. Feng-şuy təliminə görə, mətbəx evin rifahını və həyat enerjisini (çi axınını) formalaşdıran məkandır, soyuducu isə bu enerjinin mərkəzi sayılır, çünki o, bədəni və ruhu qidalandıran ərzaqları qoruyur. Ona görə də soyuducunun yerləşdirilməsi və bəzədilməsi həm evin harmoniyasına, həm də maddi bolluğa təsir edə bilər. Feng-şuydə soyuducu "metal ünsürü" ilə əlaqələndirilir. Metal enerjisi sabitlik, möhkəmlik və maliyyə gücünü simvollaşdırır. Lakin bu enerjinin düzgün axması üçün ətrafda səliqə və təmizlik hökm sürməlidir.

Lent.az xarici mediaya istinadla xəbər verir ki, enerjinin düzgün qurulması üçün bəzi qaydalara əməl etmək lazımdır.

Soyuducunun üstü və ətrafı daima təmiz və boş olmalıdır.

Toz, köhnə maqnitlər, qeydlər və ya hesab kağızları, enerji durğunluğu yaradır və maddi axını zəiflədir.

Qida qalıqlarını və köhnə məhsulları mütəmadi olaraq atın köhnə enerji ilə dolu məhsullar rifahın qarşısını kəsir.

2. Soyuducunun üzərinə nə qoymaq olmaz
Feng-şuy mütəxəssisləri xəbərdarlıq edir:

Elektrik cihazları (mikrodalğalı soba, tostçu, multibişirici və s.) "od enerjisinə" aiddir. Bu, metal ünsürü ilə ziddiyyət təşkil edir və həm enerjinin, həm də pul axınının "yanmasına" səbəb olur.

Bitkilər və taxta bəzəklər də metal enerjisini zəiflədir. Yaşıl rəngli və ya taxta çərçivəli dekorasiyalar soyuducunun üzərində və yaxınlığında olmamalıdır. Bu əvəzində metal və ya qızılı tonlarda bəzəklər seçin — onlar metal ünsürünü gücləndirir və bolluğu artırır.

3. Doğru rəmzlər və bəzəklər
Soyuducunun enerjisini aktivləşdirmək üçün feng-şuy simvolik rəmzlərdən istifadə etməyi məsləhət görür:

Qızılı sikkə - maddi axının simvoludur.

Çin uğur düyünü və ya pul gətirən qurbağa (monetli qurbağa) - rifah və uğur enerjisini artırır.

Maqnitlərdə meyvə, taxıl və ya sikkə şəkilləri - məhsuldarlıq və firavanlıq rəmzidir. Bu əşyalar "enerji mayakı" kimi işləyir və kainata sizin bolluq niyyətinizi xatırladır.

4. Müsbət emosiyalarla bəzəyin
Soyuducunun üzərinə hesablar, borc qeydləri və ya alış siyahıları yapışdırmaq olmaz. Bu, maliyyə axınını "bağlayan" siqnaldır.
Əvəzində ailəvi şəkillər, uşaqların diplomları və nailiyyətləri, minnətdarlıq və ya motivasiya sözləri evdə pozitiv enerjini artırır, rifahı möhkəmləndirir.

5. Soyuducunun yerləşdiyi yer
Feng-şuyə görə, soyuducu ideal olaraq mətbəxin şimal və ya cənub-qərb hissəsində yerləşdirilməlidir. Bu istiqamətlər metal və torpaq elementləri ilə harmoniyadadır və maddi sabitliyi gücləndirir.

Telegramda izləyin