Romantik video çəkirdilər, arxadan Messi keçdi - VİDEO

İspaniyanın Barselona şəhərində romantik axşamlarını ölümsüzləşdirmək istəyən bir cütlük, çəkdikləri video zamanı dünyaca məşhur futbolçu Lionel Messinin gözlənilmədən kadra düşməsi ilə yadda qalan anlar yaşayıb.

Sonxeber.az xarici mediaya istinadən xəbər verir ki, cütlük axşam saatlarında Barselona küçələrində gəzintiyə çıxıb və bu anları videoya çəkməyə qərar verib. Kamera qarşısında romantik və əyləncəli pozlar verən cütlüyün arxasından Lionel Messi bir neçə nəfərlə birlikdə sakitcə keçib.

Liqalara fasilə verildiyi üçün Messinin keçmiş komandası "Barcelona"nı gizli şəkildə ziyarət etdiyi bildirilir. Onun bu anı təsadüfən cütlüyün videosuna düşüb.

Messinin arxalarından keçdiyini anlayan cütlük böyük təəccüb və sevinc yaşayıb. Daha sonra həmin görüntüləri sosial mediada paylaşan cütlük yazıb:

"Sadəcə həyat yoldaşınızı kiçik bir çiçək buketi ilə gəzintiyə çıxarmaq istəyirsiniz və bir anda arxanızdan Messi keçir — bu, unudulmaz bir an olur"

Hadisə qısa müddətdə sosial şəbəkələrdə böyük maraq doğurub və cütlüyün videosu minlərlə dəfə izlənilib.

Telegramda izləyin