Eynşteyn unikal bir mətbəx cihazı yaradıb, amma uğursuz olub - Səbəb nədir?

Məşhur nəzəriyyəçi fiziki Albert Eynşteyn bir dəfə dostu ilə birlikdə yeni tip soyuducu ixtira eib. Lakin bu ixtira müxtəlif səbəblərdən populyar olmayıb.

Qaynarinfo xəbər verir ki, bu barədə "The Takeout" yazır.

1926-cı ildə Eynşteyn qəzetdə Berlin şəhərində bir ailənin soyuducudan sızan zəhərli qaz səbəbindən yuxuda vəfat etməsi haqqında məqalə oxuyub (1920-ci illərdə əksər ev soyuducuları soyuducu maye kimi zəhərli qazlardan istifadə edirdi). Bu ölümlərdən dəhşətə gələn Eynşteyn dostu, alim və ixtiraçı Leo Silyard ilə birləşərək təhlükəsiz bir soyuducu yaratmağa qərar verib.

Alimlərin ideyası, kompressor, piston və hərəkət edən hissələri olmayan bir soyuducu yaratmaq olub. Bunun əvəzinə, onlar soyuducunu elektromaqnit nasosu ilə təchiz etməyə qərar veriblər: bu nasos cərəyanı dəyişdirərək maye metali hərəkət etdirəcək və bir növ piston funksiyasını yerinə yetirməli idi.

Nəşrdə qeyd olunur ki, Eynşteyn və Silyardın soyuducusu populyar olmayıb. Səbəblərdən biri, alimlərin köhnə soyuducuların əsas problemini – zəhərli kimyəvi maddələrin istifadəsini – həll etməməsi olub.

Eynşteyn və Silyardın soyuducusu ammonyak və butan istifadə edib. Hərəkət edən hissələrin olmaması sızma riskini azaldıb, amma zəhərli maddələr hələ də qalıb.

Bundan başqa, 1928-ci ildə freon ixtira edilmişdi. Bu kimyəvi maddə ammonyak və butandan daha təhlükəsiz idi, bu səbəbdən bahalı və səmərəsiz cihazın istifadəsi mənasızlaşıb.

Nəşr əlavə edir ki, 1929-cu ildə başlayan Böyük Depressiya Almaniyaya o qədər güclü zərbə vurub. Bu da potensial bütün biznes sahələrinin inkişafını bloklayıb. 1933-cü ildə Eynşteyn ABŞ-a köçüb və Prinstondakı İrəli Araşdırmalar İnstitutunda işləməyə başlayıb, daha sonra isə II Dünya müharibəsi başlayıb.

Nəşrdə vurğulanır ki, Eynşteyn və Silyardın soyuducusu tam uğursuzluq olmayıb. Onlar yetərincə soyuducu sata biliblər ki, çətin iqtisadi şəraitdə mövcudluqlarını qoruya bilsinlər.

Telegramda izləyin