Həlak olan türkiyəli hərbçinin bacısı ilə yazışması ortaya çıxdı: "Yuxuda sənin şəhid olduğunu görmüşəm"

Gürcüstan-Azərbaycan sərhədində qəzaya uğrayan təyyarədə şəhid olan türkiyəli hərbçi Ahmet Yasir Kuyucunun hadisədən bir neçə saat öncə bacısı ilə yazışmaları ortaya çıxıb.

Oxu.Az Türkiyə mətbuatına istinadən xəbər verir ki, bacısı hərbçi qardaşına yuxusunda onun şəhid olduğunu gördüyünü yazıb.

Ahmet isə bacısına - "Kaş ki, belə bir şey olsa", - deyə cavab verib.

Dəhşətli qəzada həlak olan 19 hərbçinin cənazəsi bu gün dəfn olunmaları üçün öz məmləkətlərinə yola salınıb. Yalnız şəhid pilot Gökhan Qorxmazın dəfn mərasimi sabah İstanbulda keçiriləcək.

Qeyd edək ki, noyabrın 11-də Türkiyə Hərbi Hava Qüvvələrinə məxsus "C-130" hərbi yük təyyarəsi Gəncə hava limanından qalxdıqdan 27 dəqiqə sonra Gürcüstan ərazisində radarlardan itərək qəzaya uğrayıb. Qəza nəticəsində təyyarənin göyərtəsində olan heyət üzvləri də daxil olmaqla 20 hərbçi həlak olub.

Telegramda izləyin