Baş ağrısını tez aradan qaldırmağa kömək edən çaylar

Bu içkilər stresi azaldır və dərmansız rahatlanmağa kömək edir.

Lent.az bu çayları təqdim edir:

Hansı çaylar baş ağrısını aradan qaldırır?

Müasir dövrdə baş ağrısı və sinir gərginliyi demək olar ki, hər bir insanın gündəlik həyatının ayrılmaz hissəsinə çevrilib. Lakin sakitləşdirici dərmanlar qəbul etmək əvəzinə, təbiətin verdiyi vasitələrdən faydalanmaq mümkündür çünki bir çox çayların həm sakitləşdirici, həm də ağrıkəsici xüsusiyyətləri var. Əsas odur ki, həm vəziyyəti yüngülləşdirən, həm də xoş dad və ətir bəxş edən doğru içki seçilsin.

Stresi azaldan və baş ağrısını tez aradan qaldıran içkilər

1. Limonlu-nanəli çay

Bu içki beyindəki damarların genişlənməsinə, spazmların və yorğunluğun azalmasına kömək edir. Nanənin tərkibindəki mentol təbii şəkildə gərginliyi azaldır, limon isə qan dövranını stimullaşdırır və enerjini artırır.

Hazırlanması: 5 ədəd təzə nanə yarpağını qaynar suya əlavə edin, 1 dilim limon və 1 çay qaşığı bal qatın. 10 dəqiqə dəmləyin və yavaşca için bir neçə dəqiqə ərzində ağrı azalacaq.

2. Lavanda çayı

Lavanda təkcə yuxunu yaxşılaşdıran ətir deyil, həm də güclü təbii antidepressantdır. Bu çay sinir sistemini sakitləşdirir, gərginliyi aradan qaldırır və hətta miqren zamanı da təsir göstərir.

Hazırlanması: 1 çay qaşığı qurudulmuş lavandanı 1 stəkan qaynar su ilə dəmləyin, 7–8 dəqiqə saxlayın. Lavanda emosional vəziyyəti tarazlaşdırır və dərin, yumşaq rahatlıq hissi yaradır.

3. Darçınlı isti kakao

Kakao magnezium və triptofanla zəngindir bu maddələr "xoşbəxtlik hormonu" serotoninin yaranmasına kömək edir. Darçın isə qan dövranını sürətləndirir və damar spazmını aradan qaldırır.

Hazırlanması: 1 xörək qaşığı kakao, 1 çay qaşığı bal, bir çimdik darçın və ilıq südü qarışdırın. Bu içki təkcə ağrını yox etmir, həm də əhvalı yaxşılaşdırır.

4. Zəncəfilli içki

Zəncəfil qan dövranını gücləndirir, iltihabı azaldır və yorğunluq və ya soyuqdəymə səbəbindən yaranan baş ağrısını aradan qaldırır.

Hazırlanması: 1 çay qaşığı təzə rəndələnmiş zəncəfili qaynar suya əlavə edin, bir az bal qatın. İçkini ilıq halda için - təsiri təxminən 15 dəqiqəyə hiss ediləcək.

5. Bal ilə yulaf içkisi

Bu yumşaq, qidalandırıcı içki emosional gərginlik və ya yuxusuz gecədən sonra çox faydalıdır. Yulaf B qrupu vitaminləri ilə zəngindir, bu vitaminlər sinir sistemini dəstəkləyir.

Hazırlanması: 1 xörək qaşığı yulaf lopasını qaynar su ilə dəmləyin, 10 dəqiqə saxlayın, süzün və bal əlavə edin. Bu içki təbii sakitləşdirici kimi təsir göstərir, lakin yan təsirləri yoxdur.

Telegramda izləyin