Qoz qabıqlarını atmayın: evdə çox işinizə yarayacaq

Qoz qabığının gübrə, yanacaq və drenaj əvəzedicisi olan çoxfunksiyalı ekoloji vasitə olduğu bildirilir.

Lent.az xəbər verir ki, qoz qabığının tullantı deyil, onlarla üsulla istifadə oluna bilən qiymətli təbii material olduğu aşkarlanıb.

Qoz qabığının məişətdə 6 effektiv istifadə üsulu:

1. Sobada və ya kamin üçün təbii yanacaq.
Qoz qabığı əla yanır və çox istilik verir. Onu qurudub torbada saxlamaqla qışda ekoloji təmiz yanacaq kimi istifadə etmək mümkündür: nə tüstü verir, nə də çox kül buraxır.

2. Gül qabları üçün ideal drenaj.
Xırdalanmış qoz qabığı keramzitə gözəl alternativdir. O, köklərin hava almasını təmin edir və çürümədən qoruyur. Buna görə də gül və ya fidan əkərkən qabın dibinə səpmək məsləhətdir.

3. Suyun təmizlənməsi.
Xırdalanmış qoz qabığını suya atmaqla iy və müxtəlif qarışıqları aradan qaldırmaq olar. Məsaməli quruluşu sayəsində o, təbii filtr kimi fəaliyyət göstərir və zərərli maddələri özünə çəkir.

4. Taxta səthlərin cilalanması üçün vasitə.
Qurudulmuş qoz qabığı ilə taxta masa və ya pəncərə altını silsəniz, səth parıldayacaq. Təsiri artırmaq üçün xırdalanmış qabığı bir qədər zeytun və ya kətan yağı ilə qarışdırmaq olar.

5. Bağ üçün orqanik gübrə.
Qoz qabığı yandıqdan sonra kalium və kalsiumla zəngin kül qalır. Bu külü pomidor, qızılgül və meyvə ağacları üçün təbii gübrə kimi istifadə etmək mümkündür.

6. Qarışqalar və ilbizlərə qarşı mübarizə.
Xırdalanmış qoz qabığı bağ cərgələrinin ətrafına səpilir. Onun iti kənarları həşəratların və zərərvericilərin bitkilərə yaxınlaşmasına mane olur. Bu, kimyəvi maddələrdən istifadə etmədən təhlükəsiz, təbii və effektiv qoruma üsuludur.

Telegramda izləyin