Ronaldonun sevgilisinin geyimi Ağ Evdəki dövlət yeməyinə öz damğasını vurdu - FOTOlar

ABŞ Prezidenti Donald Tramp, Səudiyyə Ərəbistanının vəliəhdi Məhəmməd bin Salmanı yeddi ildən sonra ilk dəfə Vaşinqtonda rəsmi dövlət yeməyində qəbul edib.

Sonxeber.az xarici mediaya istinadən xəbər verir ki, tədbirin ən diqqətçəkən qonaqlarından biri isə Portuqaliyalı dünya ulduzu Kriştianu Ronaldo olub. Ronaldo, Elon Musk və Apple rəhbəri Tim Kuk kimi tanınmış adlarla birlikdə ön sıralarda əyləşib.

Gecənin ən çox müzakirə edilən məqamlarından biri isə Ronaldonun nişanlısı, 31 yaşlı argentinalı model və influencer Georgina Rodriguezin seçdiyi iddialı libas olub. Arxası açıq, zərif gecə geyimi ilə diqqətləri üzərinə çəkən Rodriguez, saçlarını geriyə toplayaraq ziyafətdəki ən dəbli iştirakçılardan biri kimi qiymətləndirilib.

Donald Tramp gecə zamanı Ronaldonu oğlu Barron Tramp ilə tanış edib. Tramp, oğlunun Ronaldoya böyük heyranlıq duyduğunu vurğulayaraq zarafatla belə deyib:
"Oğlum səninlə tanış oldu və düşünürəm ki, məni indi bir az daha çox sevir. Sırf səni onunla tanış etdiyim üçün…"

Gecənin ən çox paylaşılan fotolarından biri isə texnologiya investoru David Sacks tərəfindən yayımlanan selfie olub. Ronaldonun özü tərəfindən çəkilən şəkildə bu adlar yer alıb:
Kriştianu Ronaldo, Elon Musk, David Sacks, FIFA prezidenti Canni İnfantino, Georgina Rodriguez və ABŞ Ticarət naziri Howard Lutnick.

Telegramda izləyin