Elçilik zamanı bəyin sözləri hər kəsi gözyaşına boğdu - VİDEO

Türkiyədə bir elçilik mərasimi bəy namizədinin səmimi və ürəkdən gələn sözləri səbəbindən duyğulu anlarla yadda qalıb.

Sonxeber.az türk mediasına istinadən xəbər verir ki, 17 yaşında atasını itirən gənc, mərasim zamanı ailə böyüklərinə müraciət edərək etdiyi çıxışla orda olan hər kəsi kövrəldib.

Gənc bəy namizədi, "Mənim atam da, əmim də, dayım da qardaşımdır," sözlərini səsləndirərək gələcək ailəsinin bütün kişi üzvlərinə olan sevgi və hörmətini ifadə edib.

Ailə böyükləri və mərasimdə iştirak edən qonaqlar tərəfindən böyük duyğusallıqla qarşılanan çıxışdan sonra nişan üzükləri taxılıb və cütlük evliliyə ilk addımı atıb.

Hadisə sosial şəbəkələrdə də geniş maraq doğurub və gəncin sözləri bir daha ailə bağlarının və qarşılıqlı dəstəyin əhəmiyyətini xatırladıb.

Telegramda izləyin