Düşmən ölkənin futbolçularının salamlaşma anı gündəm oldu - VİDEO

U17 Dünya Kubokunun 1/8 final mərhələsi öncəsi Şimali Koreya ilə Yaponiya arasında keçiriləcək oyunun rəsmi seremonisində baş verənlər sosial şəbəkələrdə böyük marağa səbəb olub.

Sonxeber.az türk mediasına istinadən xəbər verir ki, futbolçuların ənənəvi əl sıxmaq əvəzinə yumruqlarını bir-birinə toxundurararaq salamlaşması qısa müddətdə viral hal alıb.

İki ölkə arasında uzun illərdir davam edən siyasi gərginliyə baxmayaraq, gənc futbolçuların bu qeyri-adi salamlaşması TikTok və X platformalarında milyonlarla dəfə izlənib. Sosial media istifadəçiləri görüntüləri "gərgin hörmət", "futbolun diplomatiya forması", "dostcasına, amma məsafəli" kimi şərhlərlə paylaşdı.

FİFA görüntülərə dair rəsmi açıqlama verməsə də, turnir rəsmiləri hadisənin hər hansı bir gərginlik daşımadığını, hər iki komandanın meydanda fair-play prinsiplərinə uyğun şəkildə çıxış etdiyini bildirib.

Şimali Koreya ilə Yaponiya oyun öncəsi yaşanan bu an turnirin ən çox müzakirə olunan səhnələrindən birinə çevrilib.

Telegramda izləyin