10 yaşında liseyi bitirdi: "Məktəbi bitirməyim 2 il çəkdi" - VİDEO

Samsunun Çarşamba rayonunda yaşayan və "absolute ear" (mütləq eşitmə) qabiliyyətinə sahib olan Yusufhan Çakır, 10 yaşında İngiltərə Kraliyet Musiqi Məktəbləri Birliyi (ABRSM) tərəfindən verilən, dünya üzrə keçərli lisey səviyyəli Kraliyet Musiqi Məktəbi (ARSM) diplomunu almağa layiq görülüb.

Sonxeber.az türk mediasına istinadən xəbər verir ki, Covid-19 dövründə evdə vaxt keçirən Yusufhanın atası Süleyman Çakır, 5 yaşlı oğlundan "Uzun ince bir yoldayım" mahnısını pianoda çalmağı istəyib. Mahnını bir neçə dəfə dinləyən Yusufhan, onu pianoda ifa etməklə kifayətlənməyib, sonrakı aylarda Frederic Chopin və Mozart kimi bəstəkarların əsərlərini də qulaqla öyrənərək notlara köçürməyi bacarıb.

Ailəsi onun istedadını görərək peşəkar təhsil almasına şərait yaradıb. 2023-cü ildə Batumi Simfonik Orkestri ilə Isaak Yakovich Berkovich-in Do Major Piyano Konsertini səsləndirən gənc istedad, 2024-cü ildə isə eyni orkestrin müşayiəti ilə J.S. Bachın Re Minor 1 №-li Piyano Konsertini (BWV 1052) ifa edib.

10 yaşlı pianoçu, ABRSM-in ARSM səviyyəli Grade 8 Piyano və Grade 5 Musiqi Nəzəriyyəsi imtahanlarını yüksək nəticə ilə keçərək 60 ölkədə keçərli olan lisey diplomu almaq hüququ qazanıb.

Bu il keçirilən Vivaldi Beynəlxalq Musiqi Müsabiqəsinə də qatılan Yusufhan Çakır, piano kateqoriyasında dünya birincisi olub.

Telegramda izləyin