Yarışmada inanılmaz an: İlk sualda səhv edib "Milyoner"ə vida etdi - VİDEO

Oktay Kaynarcanın aparıcısı olduğu "Kim milyoner olmak ister?" yarışmasının son buraxılışında gözlənilməz an yaşanıb.

Sonxeber.az türk mediasına istinadən xəbər verir ki, Düzcədən qatılan, Burdur Mehmet Akif Ersoy Universitetinin Tarix fakültəsi məzunu 27 yaşlı Elif Okumuş hələ ilk sualda yol verdiyi səhv səbəbilə yarışmaya vida edib.

Kaynarcanın təqdim etdiyi açılış sualı belə idi:
"Sizə "çay, qəhvə, qazlı içki, ayran, meyvə suyu" kimi seçimlər verilirsə, bundan əvvəl yəqin ki, hansı sual soruşulub?"
Variantlar isə bunlar olub:
A) Acsan?
B) Nə içərsən?
C) Şirniyyat yeyərsən?
D) Səhər yeməyi yemisən?

Həyəcanına qalib gələ bilməyən Elif Okumuş düzgün cavab olan B variantı "Nə içərsən?" əvəzinə A variantı "Acsan?" cavabını işarələyib. Verdiyi cavabın səhv çıxması iştrakçıya böyük təəccüb yaşadıb.

Heç bir pul mükafatı qazanmadan yarışmanı tərk edən Okumuş qısa zamanda sosial mediada müzakirə mövzusuna çevrilib. Yarışmadakı həmin anlar yüzlərlə istifadəçi tərəfindən paylaşılıb.

Telegramda izləyin