Məşhur aktyorun Türkiyə Prezidenti Ərdoğanla bağlı sözləri gündəm oldu

Aktor Cem Uçan, qonaq olduğu YouTube proqramında Türkiyə Prezidenti Rəcəb Tayyib Ərdoğana duyduğu heyranlığı dilə gətirməsi ilə diqqət çəkib.

Sonxeber.az türk mediasına istinadən xəbər verir ki, Ərdoğanla bir neçə dəfə görüşdüyünü bildirən Uçan, "Möhtəşəm bir insan, inanılmaz bir adam" sözlərini işlədərək, müxalif dostlarına da "Onu tanısanız fikriniz dəyişər" mesajı verdiyini söyləyib.

Jurnalist Türker İnanın YouTube kanalına qatılan Cem Uçana "Prezidenti Ərdoğanla münasibətin necədir, heç görüşmüsünüzmü?" sualı ünvanlanıb. Uçan bu suala "Bir neçə dəfə görüşdük. Sağ olsun, məni də sevir. Möhtəşəm bir insan. İnanılmaz bir adam" cavabını verib.

"Payitaht", "Diriliş Ertuğrul" və "Bir Zamanlar Osmanlı" kimi seriallarda rol alan aktyor, sözlərinin davamında Prezident Ərdoğanla bağlı təəssüratlarını bölüşərək, xüsusən müxalif fikirdə olan dostlarına daim eyni şeyi dediyini qeyd edib: "Bəzi müxalif dostlarım var. Deyirəm ki: Baxın dostlar, sizi cənab Prezidentlə 10 dəqiqə bir otağa qoysunlar. Sizinlə iki dəqiqə danışsın, o qapıdan boynuna sarılaraq çıxarsınız. Elə bir aurası var".

Telegramda izləyin