Bu kənd 60 ildir dövlət və sakinlər tərəfindən qorunur!

Vanın Özalp rayonuna bağlı Emek məhəlləsində 1964-cü ildə diqqətlə və simmetrik plana uyğun şəkildə inşa edilən evlər, payız mövsümündə saralan ağacların yaratdığı rəng ahəngi ilə heyranedici görüntülər meydana gətirir.

Sonxeber.az türk mediasına istinadən xəbər verir ki, 1965-ci ildə Trabzonun Çaykara rayonundan bölgəyə köç edən Karadenizli ailələr üçün salınan bu məhəllənin simmetrik quruluşu, aradan keçən 60 ilə baxmayaraq orijinallığını qorumaqda davam edir. Məhəllə sakinlərinin əsas binaların memarlıq estetikasını pozmadan etdikləri əlavələr isə bu memarlıq irsinə olan hörməti əks etdirir.

Xüsusilə quş uçuşu görüntülərdə, saralmış ağacların simmetrik evlər arasında yaratdığı kontrast payızın gözəlliyini bütün çalarları ilə ortaya qoyur. Sarı və qəhvəyi rənglərin müxtəlif tonlarına bürünmüş yarpaqlar məhəlləyə özünəməxsus bir estetik qatır.

Məhəllənin nizamlı yerləşmə planı, paralel uzanan küçələri və eyni memarlıq üslubunda tikilmiş evləri payız işıqları ilə birləşərək seyrinə doyulmaz mənzərələr yaradır. Sarı və qəhvəyi rənglərlə örtülmüş ağaclar və günəş işığının binaların fasadlarına düşməsi, məhəlləni adeta kartpostallıq bir görünüşə qovuşdurur.

Telegramda izləyin