Bir aylıq evli qadın özünü "Betmen" zənn edən ərindən boşanmaq qərarı verdi

Ürdündə cəmi bir aylıq evli olan gənc cütlüyün boşanma səbəbi ölkədə geniş müzakirələrlə nəticələnib.

Sonxeber.az türk mediasına istinadən xəbər verir ki, gənc qadın, ərinin obsesif şəkildə "Batman" obrazına bağlılığı səbəbindən evliliyi davam etdirə bilməyəcəyini bildirərək məhkəməyə müraciət edib.

Məlumata görə, hadisələr qadının hər səhər oyananda ərini tam ekipajlı Batman kostyumunda görməsi ilə başlayıb. Əvvəlcə bunun zarafat olduğunu düşünən qadın, vəziyyətin davamlı hal aldığını qısa müddətdə anlayıb.

Evin kişisinin yalnız kostyum geyinməklə kifayətlənmədiyi, gün boyu danışıq tərzini, səs tonunu və davranışlarını məşhur super qəhrəman obrazına bənzətməyə çalışdığı iddia edilir. Gənc qadın, ərinin bir an belə "xarakterdən çıxmaması" səbəbilə sağlam ünsiyyət qura bilmədiklərini bildirib.

Krizis axşam saatlarında daha da şiddətlənib. Boşanma ərizəsində kişinin axşamlar "gizli tapşırığa çağırıldığını" iddia edərək evdən çıxdığı və gecələri küçələrdə dolaşdığı qeyd edilib. Qadın, bu vəziyyətin evliliyi davam etdirilməz hala gətirdiyini deyərək Ammandakı Ailə Məhkəməsinə rəsmi şəkildə boşanma tələbi təqdim edib.

Məhkəmənin qarşıdakı günlərdə tərəfləri dinləmək və işi ətraflı araşdırmaq üçün iclas keçirməsi gözlənilir.

Telegramda izləyin