Honq-Konqdakı yanğın faciəsində ölənlərin sayı 128-ə yüksəldi

Honq Konqun şimalında yerləşən Tai Po bölgəsində aparılan təmir işləri zamanı "Wang Fuk Court" yaşayış kompleksinin 31 mərtəbəli binasında baş verən yanğın daha böyük faciəyə səbəb olub.

Sonxeber.az xarici mediaya istinadən xəbər verir ki, Honq Konq polisi keçirdiyi mətbuat konfransında yanğında həyatını itirənlərin sayının 128-ə çatdığını, 79 nəfərin isə yaralandığını açıqlayıb. Polis ən az 200 nəfərin itkin düşdüyünü, binada olan 16 nəfərin axtarışının davam etdiyini və 2 311 yanğınsöndürən heyətin soyutma işlərini həyata keçirdiyini bildirib. Həlak olanların şəxsiyyətinin müəyyən edilməsi prosesinin davam etdiyi, 89 nəfərin kimliyinin hələ müəyyən olunmadığı qeyd edilib. Yanğının səbəbi isə hələlik müəyyənləşdirilməyib və istintaq davam edir.

Binanın təmirini həyata keçirmək üçün müqavilə bağlanmış Prestige Construction şirkətinin 3 əməkdaşı — şirkətin 2 rəhbəri və 1 mühəndislik məsləhətçisi — "qətl" ittihamı ilə saxlanılmışdı. Polis onların təhlükəsizliyə uyğun olmayan materiallardan istifadə etdikləri üçün məsuliyyətə cəlb olunduğunu açıqlamışdı.

Telegramda izləyin