Bahalı kimyəvi maddələr almayın: Sadə üsulla boruları 30 dəqiqəyə açın

Drenaj boruları müxtəlif səbəblərdən tıxana bilər. Mətbəxdə bu, adətən zamanla toplanan yağ qalıqları və yemək artıqlarıdır. Hamamda isə saç və sabun qalıqları boruların daralmasına səbəb olur. Bütün bunlar mətbəx çanağı və duş yerlərində ciddi tıxanmalara gətirib çıxara bilər.

Milli.Az xəbər verir ki, mütəxəssislər bahalı və aqressiv kimyəvi maddələrdən istifadə etməyə ehtiyac olmadığını, bunun əvəzinə təbii və təsirli üsullardan faydalanmağın mümkün olduğunu vurğulayırlar.

Qabartma tozu (soda) və limon duzu tıxanmış boruların təmizlənməsində təəccüblü dərəcədə təsirlidir. Adətən soda ilə sirkə birlikdə istifadə olunur, lakin limon duzu da eyni effekti verir. Bu qarışıq boruları dərin şəkildə təmizləyir və xoşagəlməz qoxuları aradan qaldırır.

Asidik məhlul mətbəx borularında yığılan yağlı qalıqları həll edir, eyni zamanda hamamda saç və sabun qalıqlarını təmizləyərək suyun normal axını bərpa edir.

Hazırlanma qaydası:

1/4 stəkan limon duzunu yarım stəkan soda ilə qarışdırın;

Qarışığı tıxanmış drenaja ehtiyatla tökün;

Qarışığın təsir etməsi üçün 30 dəqiqə gözləyin;

Daha sonra borunu isti su ilə yaxşıca durulayın və çanaqdan bir qədər su axıdın.

Əgər drenajın kənarlarında kir və ya kirec toplanıbsa, bu qarışıqdan az miqdarda səthə tətbiq edərək bir neçə dəqiqə ərzində çirki asanlıqla təmizləyə bilərsiniz.

Telegramda izləyin