Pəncərəyə qoyulan "oğru mankeni" insanları çaşdırıb: kimisi polisi çağırır, kimisi pəncərəyə daş atır

Mersinin Yenişəhər rayonunda bir sığorta şirkətinin binasının pəncərəsinə yerləşdirdiyi oğru görkəmli cansız manken illərdir yoldan keçənləri çaşdırmağa davam edir.

Sonxeber.az türk mediasına istinadən xəbər verir ki, Cumhuriyet məhəlləsindəki İsmet İnönü Bulvarında yerləşən sığorta şirkəti, təxminən 5 il əvvəl oğurluğa qarşı maarifləndirmə yaratmaq üçün binanın birinci mərtəbə pəncərəsinə oğru görünüşlü cansız manken yerləşdirib. Məqsəd həm vətəndaşları oğurluq riskinə qarşı məlumatlandırmaq, həm də sığorta etməyə təşviq etmək olub.

Aradan illər keçməsinə baxmayaraq, manken hələ də bir çox şəxsin diqqətini çəkir. Küçədən keçən bəzi insanlar pəncərədəki fiquru real oğru zənn edərək tərəddüd edir, kimisi polisə zəng etmək istəyir, kimisi pəncərəyə daş atmağı düşünür. Bir neçə saniyə diqqətlə baxanlar isə bunun sadəcə cansız manken olduğunu anlayaraq həm rahatlayır, həm də gülümsəyir.

Ətrafdakı vətəndaşlardan Mete Aktaş yaşadığı bir hadisəni belə danışıb:
"İki gənc yanımdan keçəndə soruşdular ki, ‘Abi, o binaya oğru girib?’ Mən də izah etdim ki, bu sadəcə mankendir. Gülüşdülər, hətta öncə polisi çağırmaq istəyiblərmiş."

Küçədən tez-tez keçən sakinlərdən Buğru Şevik isə mankeni illərdir gördüyünü bildirib:
"İlk dəfə gördüyüm gün gecə saat 12 idi. Əvvəl real oğru zənn etdim, 2-3 saniyə diqqətlə baxandan sonra manken olduğunu başa düşdüm."

Sığorta şirkətinin şöbə müdiri Arzu Tekin bildirib ki, bu tətbiq vətəndaşları ev və iş yerlərini oğurluğa qarşı sığortalamağa təşviq etmək məqsədilə həyata keçirilib:
"Bəzən bəzi vətəndaşlar bunun gerçek bir oğru olduğunu düşünür. Daş atan olur, polisə xəbər vermək istəyən olur, hətta bizi axtarıb xəbərdar edənlər də var. Amma manken olduğunu anlayanda həm gülürlər, həm də yaratdığımız fərqindəliyin nə qədər təsirli olduğunu deyirlər. Bu geri dönüşlər bizə işimizin doğru olduğunu göstərir."

Hadisə bölgədə həm maraq, həm də təbəssümlə qarşılanmağa davam edir.

Telegramda izləyin