Balıqçılar dənizdən 7 kiloluq ahtapot tutdular - VİDEO

İzmirin Aliağa rayonunda sahil yaxınlığında tutulan nəhəng ahtapot hər kəsi təəccübləndirib.

Sonxeber.az türk mediasına istinadən xəbər verir ki, Aliağa sahilləri bu dəfə qeyri-adi bir ovla gündəmə gəlib. Bölgədə balıqçılıqla məşğul olan sakinlərin tutduğu iri ahtapot həm balıqçıları, həm də ətrafdakıları heyrətə salıb. Aparılan ölçmələrdə ahtapotun 7 kilo ağırlığında olduğu müəyyənləşdirilib.

Balıqçıların adi ov səfəri zamanı tora düşən bu nəhəng ahtapotun ölçüsü təcrübəli balıqçıları belə təəccübləndirib. Sahilə çıxarılan canlı həm böyüklüyü, həm də çəkisi ilə diqqət çəkib.

Bölgə sakinləri və balıqçılar belə ölçüdə ahtapotun Aliağa sahillərində çox nadir hallarda görüldüyünü bildirirlər. 7 kiloluq ahtapotun tutulma anları isə ətrafdakılar tərəfindən çəkilərək görüntülənib.

Telegramda izləyin