Şirəsini sıçratmadan narı dənələməyin asan yolu - Qaşıqla 1 dəqiqəyə

Narın təmizlənməsi çoxları üçün çətin və səliqəsiz bir iş olduğundan, bir çox insan bu meyvədən uzaq durur. Lakin sadə bir fənd sayəsində narı təmizləmək cəmi bir dəqiqə çəkir və ətraf tamamilə təmiz qalır.

Lent.az-ın xarici mediaya istinadla xəbərinə görə, bunun üçün yalnız iti bıçaq və adi metal qaşıq kifayətdir.

Narın tez təmizlənməsi üçün addım-addım təlimat

1. Keyfiyyətli nar seçin. Böyük, ağır və qabığı quruca olan nar seçmək lazımdır. Üzərində batıq və yumşaq hissələr olmamalıdır, ən şirəli narlar məhz belə olur.

2. Yuyun və qurulayın. Narı axar suyun altında yaxşıca yuyun. Toz və çirki tam çıxarmaq üçün suya bir çimdik soda da əlavə etmək olar. Daha sonra meyvəni kağız dəsmalla qurulayın.

3. Üst hissəni kəsin. Narı zədələmədən yuxarı "tac" hissəsini kəsin. Kəsikdə ağ pərdələr görünəcək məhz onlar dənələri bölmələrə ayırır.

4. Cızıqlar qoyun. Hər bir ağ pərdənin boyunca meyvənin qabığını yüngül şəkildə, dərin olmayan şəkildə kəsin. Meyvəni tam bölmək lazım deyil.

5. Narı paketə qoyun. Adi sellofan paket götürün və narı içinə yerləşdirin. Paket içində narın hissələrini bir qədər ayırın, amma tam qoparmayın.

6. Dənələri qaşıqla çıxarın. Metal qaşıqla narın qabığının xarici tərəfinə yüngül-yüngül vurun. Zərif titrəyiş nəticəsində dənələr asanlıqla ayrılaraq birbaşa paketə tökülür. Beləcə, nə sıçrama olur, nə də əllər boyanır.

Artıq narı salatlara, desertlərə əlavə etmək və ya sadəcə qaşıqla yemək çox rahatdır.

Telegramda izləyin