Avstraliyada tapılmış qalıqlar köpəkbalığına dair fikirləri dəyişdi

Alimlər Avstraliyanın şimalında təxminən 115 milyon illik lamnokimilər dəstəsindən olan köpəkbalığına aid qalıqlar aşkar ediblər. Tapıntı göstərir ki, bu iri okean köpəkbalıqları əvvəllər düşündüyündən çox daha erkən dövrlərdə böyük ölçülərə çatıb.

Oxu.Az xəbər verir ki, tədqiqat "Communications Biology" jurnalında dərc olunub.

Qalıqlar Darvin şəhəri yaxınlığındakı sahildə tapılıb, təbaşir dövründə bu ərazi Tetis okeanına daxil idi. Adətən köpəkbalıqlarının yalnız dişlər qalır, çünki onların skeleti qığırdaqdan ibarətdir.

Buna görə də böyük fəqərələrin tapılması çox nadirdir. Aşkar edilmiş beş fəqərə müasir ağ köpəkbalığının fəqərələrinə təəccübləndirici dərəcədə bənzəyib. Lakin yetişkin ağ köpəkbalığında fəqərələrin diametri təxminən 8 sm olduğu halda, Darvində tapılan qədim yırtıcının fəqərələri 12 sm-dən geniş olub.

Fəqərələrin morfologiyası onların kardabiodontidlərə aid olduğunu göstərib - təxminən 100 milyon il əvvəl dünya okeanında yaşamış nəhəng yırtıcı köpəkbalıqları. Ancaq yeni məlumatlar göstərir ki, Darvində tapılan lamnokimilər kardabiodontidlərdən təxminən 15 milyon il daha qədimdir və artıq o dövrdə həmin ölçülərə çatırdılar.

Tədqiqatçıların hesablamalarına görə, bu köpəkbalıqları 6-8 metr uzunluğa çatıb, 3 tondan çox çəkiyə malik olublar.

Telegramda izləyin