2 milyon xərcləyib bütün bədəninə döymə etdirdi, dilini iki hissəyə ayırdı, yeni hədəfi görün nədir

Almaniyada yaşayan sosial media fenomeni Lüsi Krasota döymələrə, pirsinqlərə və estetik əməliyyatlara indiyədək təxminən 2 milyon manata yaxın vəsait xərcləyib.

Sonxeber.az xarici mediaya istinadən xəbər verir ki, ailəsinin etirazına baxmayaraq, o, bədənini başdan-ayağa dəyişdirməyə davam edir. 20 yaşlı fenomen hazırda bədəninin böyük hissəsini döymələrlə örtüb və dilini iki yerə böldürüb. O, növbəti hədəflərinin "vampir dişləri və elf qulaqları" etdirmək olduğunu açıqlayıb.

Krasota 50-dən çox döymə ilə demək olar ki, bütün bədənini bəzədib. Bununla kifayətlənməyən gənc qadın dilinə estetik müdaxilə etdirib. Mirror-un xəbərinə görə, o, yaxın zamanda qarın nahiyəsində dartma əməliyyatı keçirib və prosedurdan sonra günlərlə hərəkət etməkdə çətinlik çəkdiyini bildirib. Krasota əməliyyatdan qalan izlərin də döymə ilə örtüləcəyini deyib: "Alt qarın bölgəmdə hələ də iz var, amma hamısı döymə olacaq".

O, yanaq pirsinqlərini də yenidən etdirdiyini bildirib.

Cəsarətli dəsti-xətti ilə diqqət çəkən fenomen ailəsinin, xüsusilə nənəsinin sərt reaksiyası ilə tez-tez üzləşdiyini, bu səbəbdən ailəsi ilə arasında mübahisələrin yarandığını qeyd edib. Ailənin onu qəbul etmədiyini deyən Krasota, bütün bunlara baxmayaraq dəyişiklik prosesindən geri çəkilmək niyyətində olmadığını vurğulayıb.

Gələcək planları barədə danışan gənc fenomen bildirib:
"Məqsədim tamamilə döymə ilə örtülü olmaqdır. Sinəmi iki dəfə böyütmək istəyirəm. Həmçinin vampir dişləri və elf qulaqları etdirmək də planlarım arasındadır"

Telegramda izləyin