Bu mağarada 15 gün boyunca gündə yarım saat qalan ölümdən başqa bütün dərdlərinə çarə tapır

Antalyanın Alanya rayonunun ən önəmli turizm məkanlarından biri sayılan Damlataş mağarası 2025-ci il ərzində təxminən 270 min yerli və xarici turist qəbul edərək bölgə turizminə böyük töhfə verib.

Sonxeber.az türk mediasına istinadən xəbər verir ki, isti və rütubətli havası ilə tanınan mağara təkcə təbii gözəlliyi ilə deyil, həm də elmi araşdırmalara mövzu olması ilə diqqət çəkir. Mağarada 15 gün ərzində hər gün yarım saat qalmağın bəzi xəstəliklərə şəfa verdiyi iddia olunur.

Alanyanın ən qədim mağarası hesab edilən Damlataşın yüz illər ərzində təbii şəkildə formalaşdığı güman edilir. Təxminən 15-20 dərəcə temperatur, yüksək rütubət və aşağı radiasiya səviyyəsi ilə seçilən mağara xüsusilə tənəffüs problemi yaşayan ziyarətçilərin maraq göstərdiyi məkanlardan biridir.

Həm təbii gözəlliyi, həm də sağlamlıq baxımından faydalı xüsusiyyətləri ilə seçilən Damlataş mağarası 2025-ci ildə də Alanyanın ən çox ziyarət olunan turistik yerləri arasında olub. Ötən il mağaranı 250 min nəfər ziyarət etmişdisə, bu il bu rəqəm 270 minə yüksəlib.

Mağara girişində fəaliyyət göstərən sahibkar Halil Tamuroğlu açıqlamasında bildirib:

"Damlataş mağarası Alanyanın mədəni irslərindən biridir. Astma və KOAH xəstələrinə yaxşı təsir etdiyi deyilir. Mağarada 15 gün boyunca hər gün yarım saat qalmağın bir çox insana şifa verdiyi söylənilir. İlboyu yerli və xarici turistlər bura böyük maraq göstərir. Bura Alanyanın mütləq görülməli yerlərindəndir."

Telegramda izləyin