Musiqi səsinə dayana bilməyən təmizlik işçisi: "Özümü saxlaya bilmirəm" - VİDEO

Artvinin Arhavi rayonunda 15 ildir bələdiyyədə təmizlik işçisi olaraq çalışan 52 yaşlı Birol Narman küçə və prospektləri təmizləyərkən eşitdiyi hər musiqi səsinə eyni reaksiyanı verir.

Sonxeber.az türk mediasına istinadən xəbər verir ki, musiqi səslənən kimi süpürgəsi ilə rəqs edərək işini davam etdirən Narman, ətrafda ən zəif bir mahnı səsi eşitsə belə ritmə qapılaraq işinə hərəkət qatır.

İllərdir bu enerji ilə çalışan Narman, musiqi ilə vəhdət təşkil edən iş üslubu sayəsində Arhavinin ən çox diqqət çəkən simalarından birinə çevrilib. Onu görənlər, ritmə uyğun süpürgə ilə rəqs edən enerjili davranışlarının həm ətrafa pozitiv hava qatdığını, həm də Arhavi küçələrinin artıq alışılmış mənzərələrindən biri olduğunu deyirlər.

Musiqinin ona güc verdiyini deyən Narman belə bildirib:
"Musiqini eşidən kimi dayana bilmirəm. Həm musiqi, həm iş performansımı artırır. Özümü saxlaya bilmirəm. Yerləri çiçək kimi təmizləyib dayanıram, tam sürətlə. Musiqi mənə enerji verir, işimi daha yaxşı gördüyümü hiss edirəm".

Telegramda izləyin