104 yaşında vəfat edən anasını qızıl tabutda dəfn etdi - VİDEO

Nigeriyada "Peyğəmbər İremya" adı ilə tanınan məşhur sakinlərindən olan Jeremiah Fufeyin, 104 yaşında vəfat edən anasını tamamilə qızıl örtüklü tabutda dəfn etdirməsi sosial mediada və ictimaiyyətdə geniş rezonans doğurub.

Sonxeber.az xarici mediaya istinadən xəbər verir ki, "Mama Asetu" adı ilə tanınan yaşlı qadın 2025-ci ilin may ayında dünyasını dəyişib. O, dekabr ayında Nigeriyanın Bayelsa ştatının Aleibiri qəsəbəsində təşkil olunan təmtəraqlı mərasimlə son mənzilə yola salınıb.

Cənazə mərasimində istifadə olunan qızıl örtüklü tabut həm mərasim iştirakçılarının, həm də sosial media istifadəçilərinin böyük diqqətini çəkib. Tabutu daşıyan şəxslərin ağ rəngli geyimdə olması, tabutun dizaynı və dəbdəbəli görünüşü geniş müzakirələrə səbəb olub.

Bəzi mənbələrin iddiasına görə, tabutun dəyəri 100 milyon Nigeriya nairası (təxminən 100 min dollar) ilə 150 milyon naira (təxminən 150 min dollar) arasında dəyişir.

Mərasimə ailə üzvləri, yaxın qohumlar və çoxsaylı dini icma üzvləri qatılıb. Sosial şəbəkələrdə yayılan video və fotolar cənazənin həm "lüks vida" kimi qiymətləndirilməsinə, həm də tənqidlərə səbəb olub. Xüsusilə mərasimin Bayelsa ştatının yoxsul bölgələrindən birində keçirilməsi müzakirələri daha da alovlandırıb.

Telegramda izləyin