Niyə stress saç tökülməsinə səbəb olur və nə etmək lazımdır?

Gözəl və sağlam saçlar insan orqanizmində daxili sistemlərin balansda olmasının göstəricisidir. Çox vaxt saçların vəziyyəti sağlamlıqla bağlı problemlər haqqında digər orqanlardan daha tez siqnal verir. Erkən yaşda saçları ağaran məşhur qadınların nümunəsi saçlara qulluq mövzusunu təkcə gündəlik söhbətlərin deyil, elmi araşdırmaların da əsas mövzularından birinə çevirib. Məlumdur ki, saçların ağarması yalnız yaşlanma prosesi ilə deyil, eyni zamanda stresslə də sıx bağlıdır.

Lent.az xarici KİV-ə istinadla xəbər verir ki, Harvard Universitetinin Kök Hüceyrələr və Regenerativ Biologiya kafedrasının alimlərinin apardığı araşdırma göstərib ki, güclü stress saçların ağarmasına səbəb ola bilər.

Mütəxəssislərin fikrincə, saçların tez və erkən ağarması stressin, eləcə də mədə-bağırsaq sistemi ilə bağlı problemlərin əlaməti ola bilər.

Əgər stressli bir vəziyyətdən 2-3 ay sonra saç tökülməsi başlayırsa, bu, post-stress saç tökülməsi hesab olunur. Belə hallarda saçlar çox vaxt 3-4 ay ərzində heç bir müdaxilə olmadan yenidən bərpa olunur. Lakin saç tökülməsi 6 aydan artıq davam edərsə, bu artıq xroniki forma keçid göstəricisi ola bilər. Bu zaman orqanizmin daxili vəziyyətinin qiymətləndirilməsi üçün trixoloqa müraciət etmək tövsiyə olunur.

Stress birbaşa olaraq ayrı-ayrı saç tellərinin rəngini dəyişməsə də, "telogen saç tökülməsi" adlanan ümumi bir vəziyyəti tətikləyə bilər. Bu halda güclü və uzunmüddətli stressdən sonra saçlar adi haldan təxminən üç dəfə daha sürətlə tökülməyə başlayır.

Saç sağlamlığından danışarkən məsələyə kompleks yanaşmaq vacibdir. Buraya baş dərisinə düzgün qulluq, saç tellərinin qorunması və balanslı qidalanma daxildir.

Xüsusilə zülallarla zəngin qidalanma saçların sağlam böyüməsində həlledici rol oynayır. Orqanizmin normal fəaliyyəti üçün bütün vacib maddələrin qida vasitəsilə qəbul edilməsi əsas şərtlərdən biridir.

Telegramda izləyin