Gənc qadın silahlı hücum nəticəsində həyatından oldu

Diyarbakırın Yenişehir rayonuna bağlı Şəhidlik məhəlləsinin 50-ci küçəsində dəhşətli hadisə baş verib.

Sonxeber.az türk mediasına istinadən xəbər verir ki, İlayda Alkaş (22) bir dostunun ad günü mərasimindən sonra ailəsi ilə birlikdə evinə gedərkən, dini nikahla birlikdə yaşadığı və bir müddət əvvəl ayrıldığı Cemal Alpaslanın (30) silahlı hücumuna məruz qalıb.

Açılan atəş nəticəsində ağır yaralanan İlayda Alkaş qanlar içində yerə yıxılıb, şübhəli şəxs isə hadisə yerindən qaçıb. Xəstəxanaya çatdırılan gənc qadın həkimlərin bütün səylərinə baxmayaraq xilas edilə bilməyib. Alkaşın cənazəsi tibbi ekspertizadan sonra yaxınlarına təhvil verilərək dəfn olunub.

Hadisədən sonra qaçan şübhəlinin saxlanılması üçün polis tərəfindən əməliyyat-axtarış tədbirlərinə başlanılıb. Diyarbakır 3-cü Sülh Cəza Hakimliyi tərəfindən Cemal Alpaslan barəsində "qəsdən adam öldürmə" maddəsi ilə axtarış qərarı çıxarılıb. Aparılan araşdırmalar nəticəsində şübhəlinin Şırnak vilayətində olduğu müəyyən edilib.

Şırnak İl Polis İdarəsinin əməkdaşları Cemal Alpaslanı Silopi rayonunda saxlayıb. Saxlanılan şübhəlinin istintaq tədbirləri üçün Diyarbakıra göndəriləcəyi bildirilib.

Telegramda izləyin