Niyə qışda daha çox aclıq hiss edirsiniz? - Dietoloqun CAVABI

Əgər qış aylarında daha güclü aclıq hiss edir və şirniyyata meylin artdığını müşahidə edirsinizsə, bu tamamilə təbii bir prosesdir. Qışda tez-tez makaron, çörək və ya şokolad yemək istəyi yaranırsa, buna təəccüblənməyin. Bu bir kapriz deyil, bədənin verdiyi təbii siqnaldır. Soyuq havada isinmək üçün orqanizmə əlavə "yanacaq" lazımdır.

Lent.az xarici mediaya istinadən xəbər verir ki, mütəxəssislər qış mövsümündə bədənin istiliyi qorumaq üçün daha çox enerji sərf etdiyini bildirir. Bu isə aclıq hissini gücləndirir və xüsusilə tez enerji verən qidalara, yəni karbohidratlara meyli artırır. Qışda karbohidratlara olan istək həm də serotonin səviyyəsinin azalması ilə əlaqələndirilir. Serotonin "xoşbəxtlik hormonu" kimi tanınır və biz çörək və şirniyyat vasitəsilə onun səviyyəsini yüksəltməyə çalışırıq.

Bununla belə, bu prosesi nəzarətdə saxlamağın yolları mövcuddur.

Dietoloqlar qida rasionuna aşağıdakı məhsulları daxil etməyi faydalı hesab edirlər:

Zülalla zəngin isti şorbalar;

Giləmeyvə və darçınla birlikdə yunan yoqurtu;

Kəsmik.

Eyni zamanda, yeməyə olan həvəsi azaltmaq üçün soyuq içkiləri isti bitki çayları ilə əvəz etmək tövsiyə olunur.

Dietoloqlar onu da qeyd ediblər ki, isti içkilər su balansını müntəzəm şəkildə qorumağa kömək edir, aclıq hissini azaldır və insanı sakitləşdirir.

Bundan əvvəl mütəxəssislər qışda isinməyin yolları haqqında da məlumat veriblər. Onların sözlərinə görə, əsas sirr arterial təzyiqə nəzarət etmək və qan dövranını yaxşılaşdırmaqdan ibarətdir.

Telegramda izləyin