Trampın Şimali Karolinadakı "Milad rəqsi" sosial mediada viral oldu - VİDEO

ABŞ Prezidenti Donald Tramp Şimali Karolina ştatının Rocky Mount şəhərində yerləşən Rocky Mount Tədbir Mərkəzində keçirilən mitinqdə çıxış edib.

Sonxeber.az xarici mediaya istinadən xəbər verir ki, Tramp mitinq zamanı benzin, səhiyyə xidmətləri və əsas istehlak məhsullarının qiymətlərinin aşağı salınmasına dair planlarından danışsa da, gecənin əsas müzakirə mövzusu bu vədlər deyil, onun səhnədə sərgilədiyi maraqlı rəqs hərəkətləri olub.

Tərəfdarları qarşısında çıxış edən Tramp ölkədəki iqtisadi çətinliklərin məsuliyyətini Bayden administrasiyasının üzərinə atıb. O, xüsusilə yanacaq və səhiyyə xərclərinin azaldılmasının prioritet olduğunu vurğulayıb.

Lakin mitinqin sonunda səslənən musiqi ilə birlikdə Trampın rəqs etməyə başlaması zalın atmosferini tamamilə dəyişib. Daha əvvəl də müxtəlif tədbirlərdə oxşar performanslar nümayiş etdirən Trampın bu rəqsi, verdiyi siyasi mesajlardan daha çox yadda qalıb. Milad bayramı ərəfəsində baş verən bu anlar qısa müddətdə sosial şəbəkələrdə viral olub.

Sosial media istifadəçilərinin bir qismi Trampın davranışını "səmimi və əyləncəli" kimi qiymətləndirərkən, digərləri iqtisadi problemlərlə bağlı mesajların kölgədə qalmasını tənqid edib.

Telegramda izləyin