Polşalı qadının söylədiyi sözləri gündəm oldu: 123 illik tarixi xatırlatdı

Polşalı bir qadının türklər haqqında sosial şəbəkədə paylaşdığı fikirlər geniş rezonans doğurub.

Sonxeber.az türk mediasına istinadən xəbər verir ki, tarixi bir məqama diqqət çəkən qadın bildirib ki, ölkəsi 123 il boyunca dünya xəritəsində yer almasa da, Osmanlı Dövləti Polşanın mövcudluğunu tanımaqda davam edib.

Qadın paylaşımında Prussiya, Rusiya və Avstriyanın Polşanı bölüşdürərək xəritədən sildiyini xatırladıb. Buna baxmayaraq, Osmanlı Dövlətinin Polşanı rəsmi olaraq heç vaxt yox saymadığını vurğulayıb.

Paylaşımda yer alan "Biz türklərlə necə pis ola bilərik ki? Bu yolda hər zaman birlikdə addımladıq" sözləri iki xalq arasında mövcud olan tarixi dostluğu bir daha gündəmə gətirib.

Sosial mediada çoxsaylı istifadəçi tərəfindən paylaşılan bu mesaj böyük maraq doğurub, çoxlu şərh və bəyənmə toplayıb.

Telegramda izləyin