Həyat yoldaşını öldürüb tarlaya atdı, İrana qaçarkən sərhəddə tutuldu

Manisanın Saruhanlı rayonunda yaşayan Rukiye Yanardan xəbər ala bilməyən yaxınları polisə müraciət edərək, 43 yaşlı qadının həyat yoldaşı Adem Yanar tərəfindən öldürülmüş ola biləcəyini bildiriblər.

Sonxeber.az türk mediasına istinadən xəbər verir ki, daxil olan məlumatdan sonra Manisa İl Polis İdarəsinin əməkdaşları Adem Yanarın saxlanılması üçün əməliyyata başlayıb. Şübhəli şəxs Ağrının Doğubayazıt rayonundan İrana keçməyə cəhd edərkən sərhəddə polis əməkdaşları tərəfindən tutulub.

Dindirilmə zamanı həyat yoldaşını tapança ilə öldürdüyünü və cəsədi Turgutlu rayonunda bir tarlaya atdığını etiraf edən qatilin göstərdiyi ərazidə axtarış aparılıb. Təxminən bir saat davam edən axtarışlar nəticəsində Rukiye Yanarın cansız bədəni kələm tarlasında aşkarlanıb.

Hadisə yerində prokuror və kriminalistika qruplarının apardığı baxışdan sonra Rukiye Yanarın meyiti tibbi ekspertiza aparılması üçün İzmir Məhkəmə-Tibb İnstitutunun morquna göndərilib. Faktla bağlı istintaq çoxşaxəli şəkildə davam etdirilir.

Telegramda izləyin