Baş nazirin yeni tunelin açılıçından öncə etdiyinə baxın! - VIDEO

Slovakiyanın şimalında yerləşən Jilina (Žilina) bölgəsində inşası 27 il davam edən və ölkənin ən uzun avtomobil tuneli hesab olunan Vişnove (Višňové) Tunelinin açılışı qeyri-adi anlarla yadda qalıb.

Sonxeber.az xarici mediaya istinadən xəbər verir ki, Slovakiya Baş naziri Robert Fitso tunelin açılışı ərəfəsində fərqli performans nümayiş etdirərək 7,4 kilometrlik tuneli başdan-başa patenlə sürüşərək keçib.

Hadisə bazar ertəsi günü, tunelin rəsmi açılış mərasimindən bir neçə saat əvvəl baş verib. Tunel daxilində çəkilən görüntüləri sosial şəbəkələrdə paylaşan Robert Fitso, "Bu fürsəti qaçırmaq istəmədim və tunelin tamamını patenlə keçdim" deyə bildirib.

Baş nazir açılış mərasimində etdiyi çıxışda Vişnove Tunelinin Slovakiya vətəndaşlarının həyat keyfiyyətinə müsbət təsir göstərəcəyini vurğulayıb və əlavə edib: "Siyasətin əsas missiyası da məhz budur".

Qeyd edək ki, tunelin tikintisinə 22 may 1998-ci ildə başlanılsa da, işlər 2002-ci ildə dayandırılıb və yalnız 12 il sonra yenidən bərpa olunub. Uzun fasilələrdən sonra tamamlanan layihə Slovakiyanın nəqliyyat infrastrukturunda mühüm mərhələ kimi qiymətləndirilir.

Telegramda izləyin