ABŞ-li həkim dişlərə zərərli olan içkilərdən danışdı

"Tərkibində şərbət, qaymaq, şokolad sousu və zefir olan qəhvə və digər içkilər dişlər üçün çox zərərlidir".

Oxu.Az "Metro" nəşrinə istinadən xəbər verir ki, bunu ABŞ-li diş həkimi Məhəmməd Əli bildirib.

"Bu içkilər adətən yavaş-yavaş qəbul edilir və isti olduqda şəkər dişlərin səthində daha uzun müddət qalır. Belə hallarda bakteriyaların böyüməsi üçün əlverişli şərait yaranır ki, bu da minanı məhv edir və çürüklərin inkişafına səbəb olur.

Əlavələrin özləri də təhlükə yaradır. Qaymaq, zefir və şərbətlər çoxlu şəkər ehtiva edir və yapışqan teksturaya malikdir, bu da onların tüpürcəklə təmizlənməsini çətinləşdirir", - deyə stomatoloq bildirib.

Diş həkimi həmçinin qeyd edib ki, şirniyyat miqdarının kəskin artması qanda qlükoza səviyyəsinin kəskin şəkildə artmasına və bədəndə iltihabi proseslərin çoxalmasına səbəb ola bilər.

Telegramda izləyin