Küplərin içində körpə cəsədləri tapıldı - VİDEO
Amasyada Fenikiyalılara aid izlər tapıldı: Körpə qurbanları ehtimalı gündəmdə
Türkiyənin Amasya vilayətində yerləşən Oluz Höyük qazıntıları zamanı antik dövrdə Şərqi Aralıq dənizindən bütün Aralıq dənizi sahillərinə yayılan finikiyalılara aid mühüm izlər aşkar edilib.
Sonxeber.az türk mediasına istinadən xəbər verir ki, qazıntıların rəhbəri, İstanbul Universitetinin Arxeologiya Bölməsinin müəllimi professor doktor Şevket Dönmez bildirib ki, tapıntılar arasında Finikiyalıların məşhur şəhər-dövləti olan Kartacadan gətirildiyi ehtimal edilən insan başlı şüşə muncuqlar, eləcə də Finikiya tipli körpə məzarları var.
Qazıntılarda küplərin içərisinə yerləşdirilmiş 8 körpə və döl məzarı tapılıb. Professor Dönmez vurğulayıb ki, bu cür dəfn forması Anadoluda indiyədək heç bir ərazidə qeydə alınmayıb. Körpə məzarlarının bir-birindən müəyyən məsafədə yerləşdirildiyi bildirilib. Alim bu tapıntıların uşaqların qurban verildiyi bir mədəniyyətə işarə edə biləcəyini istisna etməyib.
Oluz Höyük qazıntılarında artıq 19 il geridə qaldığını xatırladan Dönmez, ərazidə 10 mədəni təbəqə müəyyən edildiyini və Oluz Höyüyün 6500 illik tarixə malik "bir kitab səhifəsi" kimi oxunduğunu deyib. Qazıntılar zamanı Pers, Frig və Het dövrlərinə aid saraylar, məbədlər və müxtəlif memarlıq qalıqları da aşkar edilib.
Xüsusilə Kubaba müqəddəs sahəsində əldə olunan nəticələrin diqqətçəkici olduğunu bildirən Dönmez, tapılan məbədin planının Arami və Fenikiya məbədlərinə bənzədiyini, uzun və meqaroid plan quruluşuna malik olduğunu söyləyib. Finikiyalıların Sami mənşəli bir toplum olduğunu xatırladan alim, onların Orta Anadolunun içlərinə qədər gəlib çıxmasının böyük sürpriz olduğunu qeyd edib.
Körpə məzarları ilə bağlı ilkin qiymətləndirmələrdə uşaqların Finikiya ənənəsinə uyğun olaraq qurban verildiyi və ya ölü doğulsalar belə bu şəkildə dəfn edildiyi ehtimal edilir. Prof. Dönmez bildirib ki, Finikiya dünyasında geniş yayılmış "Tofet" adlanan qurban edilmiş uşaqlara aid məzarlarla Anadoluda da qarşılaşmış ola bilərlər. Bunun elmi təsdiqinin isə yalnız antropoloji analizlər nəticəsində mümkün olacağını vurğulayıb.
Sonda qeyd olunub ki, Mədəniyyət və Turizm Nazirliyinin "Gələcəyə Miras" layihəsi çərçivəsində aparılan qazıntılar zamanı üzə çıxarılan təxminən 3 min artefakt Amasya Muzeyinə təhvil verilib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











"Son zəng"də bunlar qadağandır (RƏSMİ)
6 gün leysan olacaq - XƏBƏRDARLIQ
Niyə dəniz və okeanlarda yaşayan canlılar bu qədər nəhəng olur?
Uşaqlarına bu adları qoyan ailələrə qızıl hədiyyə ediləcək
Ramil Şeydayevin yeni klubu bəlli oldu
Bu institut ləğv edilir
Səfurə Rəhimovaya hökm oxundu
Vəkilin oğlu faciəvi şəkildə vəfat etdi
30°C-də yuma mifi: paltar soyuq rejimdən sonra təmiz olurmu?
Hacıqabulda açıq ərazidə yanğın baş verib
Yol polisi əməkdaşı həyat yoldaşının aldığı yol cəriməsini görəndə şok oldu
Dövlət qurumunda korrupsiyaya qarşı ƏMƏLİYYAT: Saxlanılanlar var
"Soyuq ləkə" Avropaya, oradan Asiyaya gəlir: Kanada tipli sərt qışlar yaşana bilər
Bir dəqiqəlik qəzəbin bədənə verdiyi zərər: İmmun sistemi 5 saat zəifləyir
Sabah pensiyalar ödəniləcək