Bu balığı tutdular deyə dövlət onlara milyonlarca pul ödədi - VİDEO
Antalyada dəniz ekosisteminə və balıqçıların ov alətlərinə ciddi zərər vuran balon balığının populyasiyasını azaltmaq məqsədilə həyata keçirilən dəstəklənən ovçuluq fəaliyyəti çərçivəsində 2020-2025-ci illər arasında 111 min 197 balon balığı ovlanıb.
Sonxeber.az türk mediasına istinadən xəbər verir ki, bu tədbirlər sayəsində təxminən 8 milyon 339 min 775 yeni balon balığının ekosistemə daxil olmasının qarşısı alınıb. Sözügedən dövrdə balıqçılara ümumilikdə 1 milyon 227 min 144 lirə məbləğində dövlət dəstəyi ödənilib.
Dənizlərdə sucul bioloji müxtəlifliyə təhlükə yaradan və güclü çənəsi ilə balıqçıların av alətlərinə ziyan vuran balon balığının sayının azaldılması məqsədilə Türkiyənin Kənd Təsərrüfatı və Meşəçilik Nazirliyi tərəfindən 2020-ci ildən etibarən balon balığı ovçuluğu dəstək proqramına daxil edilib. Proqram çərçivəsində balıqçı gəmisi lisenziyasına malik olan balıqçılar ovladıqları 8 növ balon balığını və ya onların quyruqlarını Kənd Təsərrüfatı və Meşəçilik İl Müdirliyi tərəfindən müəyyən edilmiş məntəqələrə təhvil veriblər.
Balon balığının sürətlə artan populyasiyasının azaldılması üçün ovlanmasının təşviq edildiyi bu tətbiq üzrə 2025-ci il dəstək proqramı çərçivəsində alış prosesləri 1 dekabrda başa çatıb. Antalya üzrə balon balığı ovçuluğu ilə məşğul olan balıqçılara 479 min 600 lirə məbləğində ödəniş edilib. Bu müddətdə şəhərdə balıqçılar "Lagocephalus sceleratus" növündən 10 min 204 ədəd, digər növlərdən isə 12 min 246 balon balığını təhvil veriblər. Xalq arasında "benekli balon balığı" kimi tanınan Lagocephalus sceleratus növünün hər biri üçün 35 lirə, digər növlər üçün isə hər balıq başına 10 lirə dəstək ödənişi həyata keçirilib. 2026-cı il üçün balon balığı ovçuluğuna dair dəstək müraciətləri isə 2 yanvar tarixindən başlayacaq.
Dəstək proqramı çərçivəsində ovlanan hər bir dişi balon balığı hesabına orta hesabla 75 yeni fərdin ekosistemə daxil olmasının qarşısı alınıb. Proqramda Lagocephalus sceleratus, Lagocephalus spadiceus, Lagocephalus suezensis, Lagocephalus guentheri, Torquigener flavimaculosus, Tylerius spinosissimus, Lagocephalus lagocephalu və Sphoeroides pachygaster növləri yer alıb.
Antalya Kənd Təsərrüfatı İl Müdirliyinin məlumatına görə, 2020-2025-ci illərdə 68 min 785 ədəd Lagocephalus sceleratus və 42 min 412 ədəd digər növlər olmaqla, ümumilikdə 111 min 197 balon balığı ovlanıb. Altı ov mövsümü ərzində balıqçılara 1 milyon 227 min 144 lirə dövlət dəstəyi verilib və bununla da milyonlarla yeni balon balığının dəniz ekosisteminə daxil olması əngəllənib.
Rəsmilər bildirir ki, balon balığı ovçuluğuna verilən dəstək həm dəniz ekosisteminin qorunması, həm də balıqçıların maddi itkilərinin azaldılması baxımından mühüm əhəmiyyət daşıyır.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda YENİ metrostansiya - ADI da...
Ətin qiymətində gözlənilməz DƏYİŞİKLİK
Azərbaycanda ZƏLZƏLƏ OLDU
İstirahət günü yağış intensivləşəcək, qar yağacaq - PROQNOZ
XƏBƏRDARLIQ EDİLDİ - Bakıda bu tarixədək GÜCLÜ KÜLƏK ƏSƏCƏK
Nazirlik ÜZƏRLİKLƏ BAĞLI əhaliyə müraciət etdi
Bakıda birinci kurs tələbəsi FACİƏLİ ŞƏKİLDƏ HƏLAK OLDU
Azərbaycanda qəbir daşına ELƏ SÖZ YAZILDI Kİ, iş məhkəməyə kimi getdi
Xidməti vəzifəsini yerinə yetirərkən faciəli şəkildə ölən FHN əməkdaşının fotosu
VACİB XƏBƏR! Sabah bu ərazilərdə SU OLMAYACAQ
Futbol zamanı qəfil vəfat edən Təbriz - FOTO
Faciəli şəkildə həlak olan yanğınsöndürənin atası: "Gözləyirdik ki, işdən gələcək" - VİDEO
Martda 17 gün İŞ OLMAYACAQ - Maaşlar belə hesablanacaq
Ordumuzun əsgəri VƏFAT ETDİ - İki ay sonra tərxis olunacaqdı
Uşaqlı qadınlara əlavə kompensasiya veriləcək - YENİ QƏRAR