Dünyanın milyardlarla il sonraki sonu belə olacaq
Dünya üçün milyardlarla il sonra baş verəcək faciəli sonun kiçik bir önizləməsi kimi qiymətləndirilən bu kəşf astronomları heyrətə salıb.
Qaynarinfo xəbər verir ki, Yerə təxminən 2 min 283 işıq ili məsafədə yerləşən və səmanın ən ikonik mənzərələrindən biri olan Halqa dumanlığının mərkəzində, daha əvvəl heç rastlanmamış bir struktur aşkarlanıb. Tədqiqatçılar dumanlığın ortasında uzanan, ionlaşmış dəmir atomlarından ibarət nəhəng bir zolaq tapıblar.
Halqa dumanlığı təxminən 4 min il əvvəl yanacağı tükənmiş bir ulduzun xarici qatlarını kosmosa atması ilə əmələ gəlib. Adətən bu cür dumanlıqlar qaz və toz buludlarından ibarət olur, lakin William Herschel Teleskopuna əlavə olunan yeni texnologiya bu mənzərənin kimyəvi sirrini üzə çıxarıb. LIFU adlı inkişaf etmiş görüntüləmə aləti ilə dumanlığı araşdıran komanda daha əvvəl heç bir dumanlıqda görünməmiş bu dəmir zolağı ilə qarşılaşıb. Hesablamalar göstərir ki, bu zolaqdakı dəmir miqdarı Mars və ya Merkuri kimi qayalı bir planetin buxarlanması ilə ortaya çıxacaq miqdara yaxın səviyyədədir.
Dünyanın gələcəyi bu zolaqda ola bilər
Günəş kimi ulduzlar ömrünün sonuna yaxın nüvə yanacağı tükəndikdə, xarici qatları sürətlə genişlənərək "Qırmızı nəhəngə"ə çevrilir. Bu genişlənmə zamanı ulduz yaxın orbitdəki planetləri ya udur, ya da yüksək temperaturla buxarlaşdırır. Təxminən 5 milyard il sonra Günəşimizin də eyni prosesdən keçəcəyi və Yeri udacağı gözlənilir.
Kardiff Universitetindən Dr. Rocer Vesson bildirir ki, Halqa dumanlığındakı bu dəmir zolaq bir zamanlar orada mövcud olmuş və ulduzun genişlənməsi ilə yox olmuş Yer tipli qayalı bir planetin qalıqları ola bilər.
Alimlər hələ bu qəribə strukturun əmələ gəlməsi ilə bağlı dəqiq nəticəyə gəlməyiblər. Başqa ehtimal isə, bu zolağın ulduzun çökməsi zamanı baş verən hələ tam başa düşülməmiş fiziki proseslərin nəticəsi olmasıdır. Lakin planet buxarlanması nəzəriyyəsi doğru çıxarsa, bu astronomlar üçün bir növ "məhkəmə sübutu" rolunu oynayır. "Qırmızı nəhəng" mərhələsinə girən ulduzların ətrafında daha az planet olmasının səbəbini araşdıran digər tədqiqatlar da bu ehtimalı dəstəkləyir. Komanda indi digər bulutsularda da oxşar dəmir strukturlarını axtararaq, kainatın dərinliklərində öz gələcəyimizin izlərini izləməyə davam edir.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Nəriman ABŞ-da milyonçu olacaq - Maaşı açıqlandı
Qış Olimpiadasında diqqətçəkən hadisə - VİDEO
Ərini Bakı aeroportunda buna görə öpübmüş - Video
"İdrak" liseyində şagirdi tərəfindən güllələnən müəllimədən xəbər var
Bu ölkədə çaydan qızıl çıxır
Qarlı havada himnini coşqu ilə oxuyan şagird sosial mediada gündəm oldu - VİDEO
İcra başçısının müavini işdən çıxdı
"Sən mənim ürəyimsən" - Qurbanovdan qızına təbrik-Video
Estetik əməliyyatlara 60 min dollar xərcləyən fenomen: "Artıq ağzımı bağlaya bilmirəm"
Afrikanın ən təhlükəli kirpisi Türkiyədə görüntülənib - VİDEO
Ramiz Mehdiyevin həmin səs yazısı yayıldı (VİDEO)
Eyfel qülləsindən daha böyük: Bu insanlıq tarixindəki ən iri dəniz gəmisidir
Rəna Məmmədova vəzifəsindən azad olundu - ÖZƏL
Aşıq Tellinin qardaşı Atatürk Mərkəzində ölüb
Bakının bu ərazisində evlər plana düşdü - Apreldə binalar söküləcək