Donmuş spagetti viral oldu - Video

ABŞ-li meteoroloq Cennifer MakDermedin donmuş spagetti və çəngəllə bağlı paylaşımı sosial şəbəkələrdə viral olub.​

"Qafqazinfo" xəbər verir ki, Minneapolis şəhərindən olan meteoroloqun "X"dakı bu paylaşımı artıq 9,6 milyon baxış toplayıb.

"Bu səhər Minneapolisdə temperatur - 29,4°C-yə düşdü, amma hiss edilən temperatur - 42 idi! Əlbəttə, mən spagetti ilə eksperiment etməli idim", - MakDermed yazıb.

Maraqlıdır ki, oxşar "spagetti fəndi"ni Miçiqan sakini Raçel Vipl da təkrarlayıb. O, çəngəldə spagettinin cəmi 20 dəqiqəyə donduğunu açıqlayıb.

Qeyd edək ki, hazırda ABŞ-nin böyük hissəsində soyuq hava şəraiti hakimdir. "Fern" fırtınasının gətirdiyi soyuq hava kütlələri səbəbindən 140 milyondan çox insan təhlükə altına düşüb. Ölkənin azı 22 ştatında fövqəladə vəziyyət elan edilib.

Telegramda izləyin