Trampdan İrana xəbərdarlıq: "Donanma irəliləyir, vaxt daralır"

ABŞ Prezidenti Donald Tramp İranla gərgin münasibətləri fonunda rəsmi açıqlama verərək, İrana doğru böyük bir donanmanın hərəkət etdiyini bildirib və Teh­rani müzakirələrə çağırıb.

Sonxeber.az türk mediasına istinadən xəbər verir ki, Tramp sosial media hesabından yayımladığı bəyanatda donanmanın "USS Abraham Lincoln" gəmisinin rəhbərliyi altında İran istiqamətində hərəkət etdiyini, bu qüvvənin əvvəlki əməliyyatlardan daha böyük bir donanma olduğunu vurğulayıb.

O, həmçinin İranı "masaya oturmağa" - nükleer silahların olmadığı, ədalətli və hər kəs üçün faydalı bir razılaşma üzərində müzakirələr aparmağa çağırıb və "vaxt daralır" ifadəsini işlədib.

Tramp eyni zamanda əvvəlki hərəkata istinad edərək, İran tərəfindən razılaşma əldə edilmədiyi təqdirdə bundan sonra ola biləcək hərbi reaksiyanın daha ağır ola biləcəyini vurğulayıb.

Bu çağırış və hərbi yerləşdirmə İranla ABŞ arasında gərginliyin daha da artdığı bir vaxta təsadüf edir. Məsələ beynəlxalq müzakirələrə səbəb olub və regional təhlükəsizlik narahatlıqlarını gündəmə gətirib.

Telegramda izləyin