Heyvanlarına yem almağa maddi imkanı yetməyən şəxs: "Mən bu gün yemək yeməyəcəm" - VİDEO

Türkiyədə ahırda heyvanlarının yanında danışan bir vətəndaş yem qiymətlərinin kəskin bahalaşması səbəbindən çətin vəziyyətdə qaldığını bildirib.

Sonxeber.az türk mediasına istinadən xəbər verir ki, sosial şəbəkələrdə yayılan görüntülərdə vətəndaşın ahırda olduğu vaxt qızının "Yemək hazırdır, anam səni gözləyir" sözlərinə verdiyi cavab izləyənləri təsirləndirib. O, ailəsinin maddi sıxıntı yaşadığını, heyvanlarına yem ala bilmədiyi üçün özü yemək yeməyəcəyini deyib.

Bir kisə yemin qiymətinin 900 lirəyə çatdığını vurğulayan vətəndaş, heyvanlarının hazırda yalnız quru samanla qidalandığını bildirib. Yaşadığı duruma etiraz edən şəxs, "Mən bu gün yemək yeməyəcəyəm. Heyvanlar quru saman yeyir, yem ala bilmədim. Vallah içim yanır" sözləri ilə çarəsizliyini ifadə edib.

Onun səsləndirdiyi fikirlər artan yem və digər istehsal xərcləri fonunda heyvandarlıqla məşğul olan bir çox insanın üzləşdiyi iqtisadi çətinlikləri bir daha gündəmə gətirib.

Telegramda izləyin