10 gün evində saxladı, muzeyə gətirəndə şəhər ayağa qalxdı - VİDEO

Bursada piknik zamanı partlamamış top mərmisi tapdığını iddia edən şəxs mərmini təxminən 10 gün evində saxladıqdan sonra arxeologiya muzeyinə təhvil verib.

Sonxeber.az türk mediasına istinadənə xəbər verir ki, hadisə Bursanın Gürsu rayonunda qeydə alınıb. Məlumata görə, 50 yaşlı P.A. dostları ilə piknik etdiyi meşəlik ərazidə torpağın üzərində metal parçasına bənzər bir əşya görüb. Yaxından baxdıqda bunun top mərmisi olduğunu anladığını bildirib.

Tapdığı mərmini muzeyə təhvil vermək istəyən P.A. iş yerindən icazə ala bilmədiyini əsas gətirərək, təhlükəli əşyanı təxminən 10 gün evində saxlayıb. O, səhər saatlarında Osmangazi rayonunun Çekirge məhəlləsində yerləşən Bursa Arxeologiya Muzeyinə gedərək mərmini əməkdaşlara təqdim edib.

Mərminin muzeyə gətirilməsindən sonra əməkdaşlar dərhal polisə məlumat veriblər. Hadisə yerinə hüquq-mühafizə orqanlarının əməkdaşları, partlayıcı maddələrin zərərsizləşdirilməsi üzrə mütəxəssislər və hadisə yeri istintaq qrupu cəlb olunub.

İlkin araşdırma zamanı top mərmisinin təxminən 110 illik olduğu və partlamadığı müəyyən edilib. Tapıntı mütəxəssislər tərəfindən təhlükəsiz şəkildə nəzarətə götürülüb.

Jurnalistlərin suallarını cavablandıran P.A.-nın "Piknik edərkən tapdım" deyərək gülümsəməsi diqqət çəkib. Şəxs ifadəsi alınmaq üçün saxlanılıb.

Faktla bağlı istintaq başladılıb. Top mərmisinin hansı dövrə aid olduğu aparılacaq detallı ekspertizadan sonra dəqiqləşəcək.

Telegramda izləyin