Ana 5 yaşlı oğlunu dənizə ataraq öldürdü - VİDEO

Türkiyənin Bursa vilayətinin Mudanya rayonunda dəhşətli hadisə baş verib.

Sonxeber.az türk mediasına istinadən xəbər verir ki, bir qadın 5 yaşlı oğlunu "üzməyə aparmaq" bəhanəsi ilə sahilə apararaq dənizə atıb və onun ölümünə səbəb olub.

Hadisə ərazidəki təhlükəsizlik kameraları tərəfindən qeydə alınıb. Görüntülərdə qadının azyaşlının əlindən tutaraq sahilə doğru getdiyi, bir müddət sonra isə islanmış geyimdə və ayaqqabısız şəkildə təkbaşına geri qayıtdığı əks olunub.

Məlumata görə, saxlanılan qadın ilkin ifadəsində oğlunun ölmək istədiyini iddia edib. O bildirib ki, uşağı özü əli ilə itələyib və daha sonra ona çata bilməyib.

Faktla bağlı cinayət işi başlanıb, araşdırmalar davam etdirilir. Hadisə Türkiyə ictimaiyyətində ciddi rezonans doğurub.

Telegramda izləyin